熱爆娛樂: 李家鼎李泳豪父子︱李泳豪喪母後首親交代鼎爺健康財政狀況　有信心與父捱過財困　豪仔透露會否與李泳漢聯絡 #李家鼎 #李泳漢 #李泳豪 #鼎爺

2026年5月15日星期五

李家鼎李泳豪父子︱李泳豪喪母後首親交代鼎爺健康財政狀況　有信心與父捱過財困　豪仔透露會否與李泳漢聯絡 #李家鼎 #李泳漢 #李泳豪 #鼎爺

▲李泳豪交代鼎爺健康及財政狀況，並透露會否與李泳漢聯絡。

AI 摘要

李泳豪透露父親李家鼎胃口好轉，身體漸康復
李泳豪感謝父親信任，委託管理其財產
李泳豪稱太太遭抹黑，為保護家人挺身而出

【李家鼎 / 李泳豪 / 李泳漢】施明離世後，李家鼎的家庭風波升級成熱話，鼎爺早前向外表示為免「死無對證」，自己百年歸老後，他的財產將由細仔李泳豪全權負責。同時，鼎爺公開長子李泳漢把他當作「人肉提款機」苛索金錢的錄音。

李泳漢向傳媒播出另一錄音聲帶還擊，反指泳豪夫婦謀鼎爺貪錢。向來甚少回應家事的泳豪只好播出完整錄音，指有人斷章取義抹黑。

顯示全部

收起部份

李泳漢太太︱李泳豪解李家鼎錄音落入哥哥手中原因　李泳漢老婆Conny處心積慮令鼎爺中計

▲李泳豪交代鼎爺健康及財政狀況，並透露會否與李泳漢聯絡。

李家鼎李泳豪父子︱鼎爺胃口漸轉好

在昨晚（5月14日），李泳豪接受TVB的娛樂新聞台訪問，他透露鼎爺正在休養，而身體已較以前好，「鼎爺話想同大家講，佢話應承咗，佢而家休養緊。好咗好多啦，但都仲需要時間，畢竟佢都老啦。佢而家呢啲位（面頰）有返肉啦，肥返，嗰時比較成個眼凹晒落嚟，而家眼啲位都無咁凹，佢食返多好多嘢。」

豪仔續指：「因為之前佢完全係無胃口，就算我哋帶佢出街食飯，或者我太太煮飯俾佢食呢，佢可能食少少就話飽，其實佢就無乜心情食嘢咁樣，但而家調理緊。」

泳豪透露：「好咗之後開始有胃口啦，試過食完一個鐘就話：『阿仔，我做乜而家食完，又肚餓㗎喇？』跟住我同老婆就話好囉，叫佢要食嘢。老竇開始有要求啦而家，有一次就買錯咗啲嘢俾佢食，諗住佢清啲買粥，點知佢話想食鵝髀湯飯，我啲 auntie都會間唔中過去探佢啦，煮咗啲芥蘭俾佢，跟住我auntie 都話：『你老竇開始真係返嚟喇！』有要求，咁就開心。依家最鍾意食鴨腿湯飯，但就唔肯食菜。」

他並透露曾向李家鼎表示：「唔止TVB啲同事，成個香港人都係好支持你同好擔心你，希望你振作，希望你身體好。我都收到好多 message，有啲人話煮咩俾阿爺食啊，又有好多意見咁樣，都收到嘅。我都cap啲畀返阿爺睇啦。因為大家之前見到鼎爺比較憔悴，瘦咗咁多時候，擔心佢係咪好病呢？係咪唔係純粹係過分操勞？佢做咗 body check 㗎喇，好彩真係無事，只係食得唔夠，營養不良為主。」

▼點擊圖片放大

李家鼎李泳豪父子︱文代鼎爺財務安排

至於對於鼎爺早前表示把財產交由細仔管理，泳豪回應說︰「我多謝佢信任覺得我可以幫佢處理到所有問題。」然後泳豪進一步解釋，因為鼎爺有感年紀大，擔心處理不到一些事情所以委託他去管理。

至於鼎爺現時的經濟狀況，泳豪說︰「Daddy財政係辛苦，幸好我仲開緊工，我仲搵緊錢，仲應負到，係時候我哋要take care爸爸。佢係好為仔女諗，佢亦都唔會要求阿仔買咩、要去食咩好嘢，佢係咩都得，茶餐廳、酒店又得，大排檔亦得。」

泳豪並表示一切已交由會計師、律師處理，李泳豪又稱李家鼎財政出現問題，幸好自己有工作可以照顧爸爸，會繼續努力賺錢，生活不成問題。

▼點擊圖片放大

李家鼎李泳豪父子︱不能容忍太太版抹黑

談到太太林妤謙（Agnes）被泳漢針對，連去施明喪禮也遭拒於門外，泳豪坦言感委屈，一向不喜歡說人是非的豪仔也只好無奈稱：「其實我係一個唔係咁鍾意講嘢嘅人，最重要係我唔想太太蒙受冤枉。我唔鍾意做呢啲，好醜咁，但涉及講到我太太好野蠻、霸權、唔講道理，出發點係想為老爺好。聽晒錄音都係為老爺好，我都忟嘅，擔心一個老人家，隨住年紀工作機會係會減少，加上市道唔好。」

他續稱：「我哋曾經食飯、私底下聚會都話真係要stop、要control，要睇住同管理。你知我爸爸外表係……但佢係好心軟，可能會俾咗，我哋就話唔得就忟囉！」

▼點擊圖片放大