超過2800集的無綫處境劇《愛．回家之開心速遞》即將迎來大結局，引起全城不捨，戲中「熊家」主要成員「熊尚善」滕麗名昨晚在社交網開直播，大方回應粉絲提問，其中她提到新處境劇，直言：「要畀大家一個耳目一新嘅感覺」、「希望你哋睇到全新處境劇」，暗示新處境劇或會大換血，未必沿用原有班底，更率先自爆：「所以新嘅處境劇應該冇我份」。
而講到結局，她就透露暫別劇組的「潮偉」袁文傑有望歸隊：「我相信潮偉會返嚟大結局」，但未知其他離開劇集的角色會否再度現身。有網民指希望她與周嘉洛「母子檔」能再合作新劇，她就表示：「我都想呀，記得去TVB官網或埋堆堆同佢哋講囉，我相信你哋一句說話，比我哋更加有力囉！」對有網民笑指兩人可演情侶，她就笑言：「我相信做唔到佢女朋友，我除咗做佢阿媽，做唔到佢家姐，年紀大咗少少，咁兩母子闖天下都OK！」又謂有意與周嘉洛組隊挑戰體能比賽，但怕拖累對方成績。
另外，提到古佩玲外表惹網民批評，滕麗名亦主動為對方發聲：「每一個演員都好勤力做佢嘅戲，個樣係媽媽生嘅，佢真人唔係咁樣。其實你對一個小朋友攻擊，會唔會太狠心呢？佢都係一個好乖嘅細路女，你哋唔可以咁樣，做人要有愛心，佢都會有好多人鍾意架嘛。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
