男團MIRROR成員前晚為全新綜藝節目打頭陣，被吊銷「P牌」的姜濤遭擺上枱，被呂爵安揶揄；姜濤更為了節目效果「鯨吞」缽仔糕，面露飽到嘔的慘慘豬表情。講到被吊銷駕駛執照，他則認為人生充滿教訓。
開台10周年的ViuTV早前隆重宣布進行節目革新，前晚在黃金時段正式推出1.5小時的綜藝直播節目《8點直樂VIURIETY》。作為星期一至五晚節目改革頭炮，ViuTV出動旗下王牌男團MIRROR打頭陣，當中8位成員包括姜濤、陳卓賢（Ian）、呂爵安（Edan）、李駿傑（Jeremy）、邱傲然（Tiger）、邱士縉（Stanley）、陳瑞輝（Frankie）、王智德（Alton）齊齊現身，其他成員則因工作未能出席，而節目主持則由強尼、沈殷怡、黃奕晨、王頌茵與蔡宛珊擔任。
節目首播以美食「Food Night」為主題，在「Makers' Omakase」環節中，於節目《MIRROR Chef》被封為「平民廚神」的Jeremy變身主廚與姜濤、Edan炮製意式番茄肉碎炸飯糰。Edan自詡是「天堂廚神」負責監督，「地獄廚神」姜濤則負責打雞蛋及為Jeremy按摩打氣，並作勢要錫啖對方，相當活躍。期間姜濤與Edan炮製飯糰，親手餵現場粉絲吃，姜濤將一大嚿飯糰直接塞入粉絲口中，相當爆笑。為食的姜濤之後也親自試食飯糰，並將咬了一口的飯糰餵Edan笑說：「兩兄弟冇所謂」Jeremy下廚後則由粉絲伴舞獻唱歌曲《滿》，Frankie與Alton則炮製「香蕉脆脆煙肉」菜式，以香蕉模仿煙肉餵粉絲。
鯨吞缽仔糕飽到嘔
姜濤去年初考獲駕駛執照，但持有「P牌」暫准駕駛執照的他，卻因撞毀護欄被控不小心駕駛，加上曾衝紅燈及座駕未掛上「P牌」，最終被判罰停牌及要重考駕駛執照。節目中姜濤的新聞被擺上枱，不時被隊友拿「P牌」來開玩笑，但他卻相當大方，毫不介意。去到尾聲鬥快吃美食遊戲環節，他先吃了一個黃糖缽仔糕，又「偷食」咬了一啖Jeremy的白糖缽仔糕，更請纓與觀眾鬥快食，Edan鼓勵粉絲吃得快過姜濤有獎，並抵死笑說：「佢個P牌送畀大家，佢唔要㗎喇！」姜濤回應說：「係呀，唔要喇，邊個食得快畀邊個。」之後姜濤與現場觀眾作挑戰，他極速鯨吞兩個缽仔糕，被笑指是全宇宙食得最快的人，缽仔糕塞滿口的他，相當搞笑可愛，但也似乎吃得太多太急，吃完摸住肚皮，好像快要飽到嘔。
完成拍攝後MIRROR接受訪問，節目中吃個不停的姜濤笑言感到後悔：「好飽、好滯，食兩個唔知邊個諗出嚟，諗得幾好，無啦啦個好勝心出咗嚟。（Edan攞你個『P牌』嚟講笑﹖）OK呀，我哋夾好咗，覺得咁樣大家會開心。（冇咗『P牌』唔開心？）平常心，再考過啫！（幾時考番車牌？）未知呀！諗住放個悠長假期先，第時揸車會小心啲。（今次係好大嘅教訓？）我人生都充滿教訓，呢個都係其中一個教訓。（對揸車有冇陰影？）咁又冇，反而會更加小心啲。（部車點處理？）擺喺度先，遲啲再打算。（想快啲考番車牌？）又冇，同埋都冇時間，之前話唔出歌，想去第二啲地方做吓歌，但係未Plan。（同炎明熹參加內地綜藝節目？）我就冇收到通知。（想唔想去？）我哋不嬲都話邊度表演都好，有表演機會都會盡力去做。」至於在港版《悠長假期》中演繹木村拓哉經典角色的Edan透露還未收到劇本，亦未落實開拍時間，但已經開始練琴做準備，亦有看原著日劇參考，笑言攞到悠長假期的鬆弛感覺。
此外，網民對於ViuTV改革節目，每晚大玩直播綜藝有讚有彈，不少網民直言節目沉悶得令人尷尬，全靠姜濤搏到盡，吃到攬住個胃，加上與Edan的火花，才令節目有點生氣，亦有網民覺得節目走回頭路像當年的《歡樂今宵》，也有網民認為台前幕後可以趁機「練兵」減少日後直播出錯機會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|