視后佘詩曼今日在灣仔出席活動開幕儀式，吸引過百影迷粉絲冒雨前來捧場，有粉絲送給阿佘近百張劇照剪貼而成的花束。她早前因聲帶發炎一度失聲，現已回復十足狀態：「好彩咋，嚇死我，失聲失咗成個禮拜！」阿佘日前與劇集《新聞女王》演員們再度慶生，自爆因病改期三次，更獲得古天樂驚喜到賀：「佢突然間嚟到，冇約實嘅。佢同農夫做嘢食飯叫埋我過去，我唔得所以不如佢哋過嚟。（古天樂有送禮物？）仲要禮物？已經好大驚喜」
談到《新聞女王》即場製作第三輯，阿佘飾演的女主角Man姐去留未明，她坦言視乎劇本而定：「因為拍咗兩輯，好多要寫嘅都寫咗，我都好期待鍾澍佳監製同編劇有咩新方向。我成日覺得唔好為拍而拍，你今次想帶咩訊息畀觀眾呢？」所以她要等劇本去向再決定是否參演。她亦澄清未有為《新聞女王3》出任監製的打算：「唔會係呢套劇，但其實每一次劇本我都會參與、畀啲意見改動。始終演員身份係第一身，監製會最理解Man姐諗法，所以演員創作機會有限。」至於另一部劇集《正義女神2》，阿佘則透露演出機會較大，認為題材仍有許多創作空間：「社會上仲有好多少年問題可以發揮或探討，所以我覺得《正義女神》容易有續集多啲。」
阿佘還透露今年下旬將會減產，希望盡量留港陪伴母親：「呢段時間減產囉，我覺得過去兩年拍咗好多嘢，好花時間，到套戲上又要花兩三個月宣傳，到頭來一套劇差唔多六七個月先做晒所有嘢。三套劇講緊一年幾，咁耐都唔喺香港會唔放心！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|