現年41歲的張致恒（Steven），近年因債務及感情風波形象跌入谷底，甚至被網民封為「負評王」。不過，自去年起他放下藝人身段，轉行擔任搬運工人，多次被街坊捕獲「大汗疊細汗」辛勤送貨，自力更生的形象令風評逐漸逆轉。日前，與老婆雯雯育有四子的他接受網上頻道訪問，罕有揭露目前的還款進度，以及照顧特殊兒子的無盡心酸。
張致恒坦言，一家六口連同寵物每月開支高達3萬多元，目前債務「真係未還晒」。他無奈表示，現時經濟狀況雖慢慢好轉，但燈油火蠟及孩子開銷龐大，每個月只能盡力把所剩餘的錢還給朋友，並公開懇請債主們「高抬貴手」：「我真係盡力去搵錢同埋去還錢畀大家，希望快啲還晒佢。」
訪問中，最令他心痛的是即將5歲的二子。二子患有過度活躍症及自閉症，從小腸胃極差，Steven曾無數次「企喺度瞓」孭住兒子安撫。如今二子將近5歲仍不會說話和表達自己，一旦拿掉奶嘴就會情緒失控、周圍掉嘢甚至打人，令太太與工人體力上難以應付。
Steven更透露，帶二子出街常遭旁人白眼。日前帶兒子搭巴士，因兒子大個仍咬奶嘴，遭長輩「嘖」聲嫌棄「點做人阿爸」，令他既憤怒又無奈。他悲從中來，直言這是一輩子的責任，每次想起都憂心忡忡：「我好驚自己死咗之後，佢照顧唔到自己，呢件事喺我心裏面一直都好擔心。」
雖然生活艱巨，但Steven近年積極謀生，更曾獲借出6位數應急。其經理人早前更預告他即將復出舉辦個人演唱會，到底此舉能否助他扭轉頹勢、徹底脫離負評，網民對此評價依舊兩極。
本文作轉載及備份之用 來源 source: http://hk.on.cc
|
鍾意就快D Share啦！
|
|
|