現年39歲的莊思明（Lisa）與楊明拍拖10年，期間攜手走過不少高高低低。莊思明對男友始終不離不棄，更曾公開認定「非楊不嫁」。這對風雨同路的愛侶今日（5日）終於傳出喜訊！據知兩人已敲定於今年8月2日（周日）在馬來西亞吉隆坡的5星級酒店舉行盛大奢華婚禮，一對準新人的夢幻喜帖亦首度曝光，原來2人昨日才派帖，如今喜帖流出，打亂了他們的陣腳。
思明接受東網獨家訪問時說：「媽咪好開心！但近日真係好忙，忙拍劇，多嘢要處理，多謝大家祝福，會在吉隆坡搞小婚禮先，其實冇諗過張帖流出去，遲應該香港再搞婚禮，但未決定幾時！我哋應該唔會搞兄弟姊妹團，因為想搞單啲，因為好多嘢搞，好麻煩，我哋好即興決定，冇刻意放低工作。今次都係請相熟嘅人，都唔係好多人過吉隆坡，都係最熟嗰啲！」
楊明說：「尋晚先落實舉行婚禮地點，張帖一早有大囊度度，知道地點就加上去，再Send畀朋友。而婚紗相暫時都係我哋上次香港影嗰輯，我哋會安排香港同內地再影多兩輯婚照，馬來西亞都會再影。其他嘢一路都預備緊，突然爆出來，好多嘢都唔係預計之內。」對於驚現幸福肥，他說：「我依家積極減緊肥，會回復當年身材去結婚，減肥仲有兩個月時間，不過要安排其他嘢，時間唔太充足，希望可以順利。」
思明家姐莊思敏說：「愈來愈好只要佢開聲，幫咩都冇所謂，因為只知成件事都急，好多嘢要處理，我等候佢安排。到時現場會幫佢處理招呼朋友同屋企人。希望佢哋開開心心，到時大家飛過玩得開心，一家人辦喜時係開心事！」她又大讚準妹夫楊明：「又以我所知阿妹唔急生BB住，佢哋相處愈來愈好，楊明不嬲有擔帶，好照顧屋企同我個妹，所以我都好放心，都拍咗拖咁耐，佢哋相處好好，絕對冇問題！」思明孖生家姐莊思華說：「自己都快結婚，不過一年不能嫁兩女，惟有逐個嚟，有好消息第一時間通知你！」問會否做伴娘？她說：「真係唔知。等佢哋安心安排好先。大家都忙！」
從流出的結婚請帖中所見，設計以深色為基調，點綴着閃爍的金色光點，營造出夢幻的璀璨夜空感。新人的英文名字「Lisa & Mat」則以金色霓虹燈效果呈現，既時尚又具高級感。喜帖中央印有兩人的華麗婚紗照，楊明深情攬實未婚妻的纖腰，眼神盡顯寵溺；披上嫁衣的莊思明則甜笑滿溢，楊明更現幸福肥。
據悉，這對新人為保密婚訊可謂出盡法寶。今年4月1日正是兩人拍拖10周年，當日他們曾曬出一輯「婚照」，當時對外聲稱是拍攝「星級人寵時尚雜誌」，借愛犬掩人耳目，成功轉移外界視線。其實楊明在今年3月出席活動時就曾預告「今年好大機會（結婚）」，並坦言長輩雖開明接受旅行結婚，但他仍想給注重儀式感的Lisa一個驚喜和盛大婚禮。如今隨着吉日迫近，兩人陸續向親友發帖，喜訊終於正式曝光。
莊思明曾透露，兩人同居生活與結婚無異，日常生活全由楊明貼心照顧，男方更極其捨得為她花錢。如今這段長跑10年的感情終於開花結果，攜手步入人生新階段，實在值得全城送上祝福！
本文作轉載及備份之用 來源 source: http://hk.on.cc
|
鍾意就快D Share啦！
|
|
|