人氣王姜濤昨晚（19日）起假澳門舉行一連3場《LAVA》巡唱終結站，一開場他以主題曲《LAVA》揭開序幕，一口氣連唱《白果》及《Master Class》等7首歌，炒熱全場氣氛，隨後開口與現場觀眾打招呼，又笑指端午節開騷：「今日端午節點解唔陪屋企人食飯？因為端午節，臨時決定今日個show完，可以返屋企食糭」，緊接他在唱《Better Man》前，提到宣布今年不出歌一事，他就強調並非停工：「自己獨處時間多咗，希望自己有多啲長進，希望下年做嘅音樂，對得住呢段時間，成為Better Man。」
首場嘉賓則請來早前於CHILL CLUB頒獎禮世紀合體的炎明熹（Gigi），Gigi上台時突然送禮，向姜濤送糭並笑指：「希望你可以同佢做到朋友，咁你就可以變姜糭，姜總經理。」姜濤笑到不懂反應，兩人一度Deadair，姜濤就笑言：「原來我地傾偈真係好尷，好多人好擔心我哋會好尷尬，不過我請得你上嚟，我會帶動氣氛。」兩人即對視而笑，並一同合唱姜濤偶像羅志祥的歌曲《愛不單行》，之後姜濤返回後台換衫，Gigi則獨唱新歌《Colos InThe Air》。
之後姜濤再出場唱畢《流浪星球》後，談到早前擔任偶像羅志祥演唱會嘉賓，他即變「小迷弟」冧爆指：「其實就算佢乜都唔做都覺得好睇！」又自爆曾與對方傾電話，被問到幾時出國語歌，他就透露：「其實都做緊，所以希望下年有不同風格嘅歌，國語同廣東話都有，希望大家多多支持。」及後，他登上升高吊臂環繞場館，與山頂觀眾近距離接觸，全場氣氛High爆。而姜濤每站均設有「盲盒情歌」環節，昨晚就跳唱了天王郭富城的《對你愛不完》，最後演唱會以《蒙着嘴說愛你》作結。
姜濤受訪時提到再與Gigi同台，他就表示一直很欣賞對方，將來若有機會亦希望出合唱歌，而講到今次在台上保持距離，他就笑指上次貼得太近嚇親人，又指今次歌曲不適合企太近。而談到他透露明年會出國語歌，他就表示已著手製作新歌。另外，講到早前他在羅志祥演唱會上被對方偷襲強吻，他就笑言獻上舞台初吻，又指感覺似足偶像劇。
本文作轉載及備份之用 來源 source: http://hk.on.cc
|
鍾意就快D Share啦！
|
|
|