揚言做教練帶中國隊入八強
2024時，中國隊在世界盃預賽0比7慘敗給日本，叻哥有一番獨到的見解，更拍片提供解決方案，他表示自己不是評論國足，只是自己知道國足的弊病和弱點在哪，更指國足只有一個方法挽救局面，嚴肅謂：「就係我返去做中國隊嘅教練，咁就有救。多數都入到世界盃，贏（冠軍）就未必，八強冇問題。」片段公開後，隨即引起香港網民熱烈討論，有網民好奇叻哥究竟是講笑還是認真：「我分唔到佢係講笑定認真」、「呢個笑話幾好笑 下次可以再講」、「佢唔笑嗰吓好嘢」。
陳百祥事後指自己只是講笑
事後，陳百祥就事件接受《香港01》訪問時笑言：「其實講笑啫，我邊有資格做。不過我就有做青訓就真，我一路同好多教練一齊，希望訓練到啲後生仔鍾意小型球，然之後再發返出去的大足球。（網民話你做教練可能有得教！）咁又唔會嘅，大家都係講笑啫。而我就覺得中國隊落敗原因之一，係陣中嘅隊員多數係北方人，相比南方嘅球員柔軟度不足。就好似香港過往由譚詠麟個老竇，到四騎士及容至行，一路落嚟嗰啲，我哋都唔會輸俾日本同韓國，但到後期中國隊出嚟，大部份都係北方嘅，反而係輸。你可以睇到全世界嘅足球，最好波係阿根廷巴西，都係南美嘅。而歐洲南面嗰邊嘅就有西班牙、荷蘭、法國。咁所以你睇到北方係唔得㗎。而中國舊時嘅球王，同埋贏晒成個亞洲都係我哋廣東呢一邊嘅人，呢個係我踢咗幾廿年嘅波所睇到嘅嘢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|