賭王兒子何猷君與奚夢瑤結婚7年後補辦世紀婚禮，兩人於法國時間6月1日行禮，猷君兌現承諾豪擲億元，做到「承諾如約而至」，一對子女擔任花童見證父母最美好愛情！婚禮儀式於聖米歇爾山城堡進行，該地係世界文化遺產，令婚禮更添浪漫氛圍。
二人於社交網上載婚禮美照，留言：「我們的紀念日＋1」奚夢瑤着上純白露肩長袖婚紗，配上巨型鑽石耳飾及頸鏈，女神氣質盡滲。佢於法國古堡宣讀結婚誓言時，因情緒激動當場落淚，何猷君在一旁深情注視，隔住Mon都感受到沉澱許久嘅深情，令「#奚夢瑤婚禮上落淚了」成功衝上熱搜。網友盛讚奚夢瑤嘅眼淚，係時光帶畀愛情嘅勳章，紛紛為二人送上最真摰祝福。二人嘅一對仔女則擔任花童，最搶鏡又可愛，令現場更見溫馨，一家四口畫面，比任何豪門排場都來得動人。二人現場打造出粉紅花海，令遲到7年嘅婚禮終於補上最浪漫一章。
至於出席兩人婚禮的賓客，不僅獲包機接送，更表明不收禮金及不收禮物，送嘅伴手禮更相當大方兼實用，有指每位賓客收的伴手禮價值5萬人民幣。據知，奚夢瑤一身高訂婚紗花上超過600小時手工製作，奚夢瑤先後3次試身，並歷經六個月時間打磨，品牌高級訂制裙裝工坊首席裁縫師李洪波談及婚紗設計細節，指呢件婚紗最動人嘅部分，係婚紗上面藏喺結構深處、不向外喧嘩嘅細節。
二人上載婚照後，家姐何超蓮點讚並祝福：「congratssss🎉🎉🎉❤️❤️❤️」為弟弟何猷君及奚夢瑤婚禮送上了祝福，另一位家姐何超盈亦有留言祝賀；好友谷愛凌、胡杏兒等都有送上真誠祝福句子。另外，身為伴郎的男星王嘉爾亦有於社交網大晒一系列婚禮影的照片。
本文作轉載及備份之用 來源 source: http://hk.on.cc
|
鍾意就快D Share啦！
|
|
|