無綫小生林正峰演藝事業迎來大爆發，憑劇集《新聞女王》暖男主播「王偉」一角成功突圍，順利開拓內地市場，依家主力拍內地短劇吸人仔，做到冇停手。林正峰最近上載一段短劇拍攝花絮，大爆自己於劇中為拍攝裸戲演出不惜現場裝假狗！
出名大隻嘅佢，早年時不時晒爆肌照，依家忙到爆嘅佢都冇乜時間去gym，片中見佢為劇情需要，大膽豁出去挑戰裸露上身戲份。不過為鏡頭前呈現最完美身材線條，林正峰於臨開機前竟然出蠱惑，緊急召喚現場化妝師幫手。赤裸上身嘅佢任由化妝師手持化妝刷，於其腹肌位置瘋狂掃上深色陰影，林正峰笑稱只係請化妝師幫忙「加工一下」，試圖用化妝技術為腹肌打陰影，營造出更健碩、線條更分明「假腹肌」，自揭裝假狗。
林正峰曾自爆拍短劇以日薪計算，隨時高達五位數一日，並透露一啲內地頂流短劇演員日薪可達3至5萬人民幣，回報驚人。雖然每日要瘋狂背大量普通話台詞、日睡僅3小時，但為吸金，依家連「畫腹肌」呢招都要頂硬上。
本文作轉載及備份之用 來源 source: http://hk.on.cc
|
鍾意就快D Share啦！
|
|
|