音樂人周啟生向來敢言，近日佢發文直指「3小時教會你即彈即聽」鋼琴課程，直言學音樂三年都未必足夠，三小時學識簡直係「跌錢」，質疑這種速食文化完全違背了音樂基本功的價值：「3小時就學得識？你有多餘錢，就當跌咗都冇所謂，可以去試吓玩。」言辭辛辣又寸嘴。
言論獲多位網友關注，有人留言指認同音樂需長期浸淫，狠批速成班係「誤人子弟」，有人亦諷刺「香港已成老千城市，最叻偷呃拐騙」；同時有網民為課程緩頰，認為3小時可能只係入門介紹：「教識你啫，無話教好你。」周啟生亦親自回覆留言，強調：「Perfect pitch係天份，同音樂叻唔叻完全冇關係！」又再重申基本功無捷徑，天賦不能代替努力。
有網友搵出被貼出嘅課程海報為前《中年好聲音》評審、著名音樂人伍仲衡開辦課堂，被公開挖苦嘅伍仲衡，亦於個人社交網留言：「😂😂😂網上竟然有人話我開鋼琴班，無知真可怕😱😱😱下次睇清楚先亂寫你不如話我開瑜伽班😂😂😂」隔空交戰。二人爭論音樂教育理念，成兩代音樂人嘅價值觀碰撞，成功引發外界對速成文化與基本功之爭再度關注。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
