莊思明與楊明在圈中人緣甚佳，不少應邀出席婚禮的藝人已陸續出發前往馬來西亞，當中包括《愛．回家》的一班演員黎諾懿、張達倫、楊卓娜、姚瑩瑩等，還有馬國明與太太湯洛雯、張美妮，而跟楊明同期的無綫藝員訓練班同學楊茜堯及林峯則因工作而未能到現場，但也為一對新人送上祝福。
黎諾懿日前已率先抵達當地，並現身公開活動，他透露太太及兩個小朋友也跟他同赴當地參加思明的婚禮，婚禮前全家先四處觀光，問到是否送大利是給一對新人？他說：「我覺得都係心意，思明唔係好睇呢啲嘢，最緊要係開心，睇住佢哋一齊，我哋成個愛回家嘅家族今次都過晒嚟，始終思明係我哋第一代愛回家嘅家族成員，希望個個都好幸福。」而張達倫昨日也在當地機場拍片表示已平安到埗，他表示：「我望住佢哋兩個由追求到依家結婚嘅所有經歷，我中間可能有少少活動出席同食吓榴槤，祝佢哋白頭到老、永結同心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
