逆市進駐黃金地段 謝寧：租金變合理
謝寧在接受《香港01》訪問時，心情大好，她透露這次新店的設計注入了全新元素，與以往的風格大不相同。談到在黃金地段開店的感受，謝寧笑言：「呢度應該係第18間分店呢度就係黃金地段，而且人流好旺。我哋應該會吸引到好多遊客，就算香港人都好容易尋到我哋舖頭。」
面對外界好奇在「貴租」地段插旗的勇氣，謝寧大方回應：「係呀，好有勇氣！貴就貴得有價值，因為貴嘅地方一定有原因，人流各樣嘢都好好多。其實依家嘅租金已經便宜咗，相對零售業依家比較弱少少，但我覺得業主們都好好，都希望租客有生意做，大家一齊雙贏，所以都有個好合理嘅租金。」被問到新店租金是否高達六位數，她則保持神秘笑稱：「六位數字啫，好合理。」作為前香港小姐冠軍，謝寧透露新店特設了一個特別的宣傳概念，將「港姐」文化融入店鋪設計，更貼心地為顧客準備了打卡位。
積極進軍海外及內地網購：希望代表香港品牌
除了本地業務外，謝寧在受訪時亦透露，品牌的版圖早已拓展至海外，並正積極開拓其他市場：「我哋其實已經開始打入海外市場，好似台灣咁已經開咗分店。至於內地市場方面，雖然依家仲未有實體店，但已經開始喺網上連網銷售。另外，我哋依家都有同一些東南亞國家接洽緊。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|