2002年香港小姐季軍胡家惠（Cathy），去年11月宣布與第二任丈夫Manfred離婚，她曾透露自己是「被離婚」，結束了3年的婚姻。當時回復單身不足兩個月的她，與相識20年的閨密展開新戀情，她曾貼上依偎男友臂彎的相片，並表示：「謝謝你20年來嘅守護，佢睇住我成長，見證住我嘅變化，佢可以話係我嘅Buddy、我嘅軍師。」近日她與大女Charlotte獲邀上HOY節目《大小矛盾在路上》擔任嘉賓，談及兩度離婚影響女兒，對此感到十分內疚。
胡家惠在節目訪問中表示，覺得自己的婚姻失敗對女兒造成了影響，並她回憶首次離婚，情緒一度陷入崩潰，曾將自己反鎖在房間內，拒絕與外界溝通。當時只有5歲的大女Charlotte，不但沒有哭鬧，反而每天寫信給媽媽，默默地坐在門口隔着房門與胡家惠說話，而這段往事深深烙印在Charlotte腦海中。
2011年胡家惠與任職室內設計師的男友結婚並育有2女，不過她發現在懷上細女期間老公出軌，因而患上躁鬱症而多次自尋短見，幸好經過治療後已經康復，最終二人於2018年離婚。胡家惠在節目上表示跟大女Charlotte的關係就好像朋友一樣，並透露女兒在3歲至12歲這時間較少照顧她：「因為公司比較繁忙，所以有時我都覺得好疲憊同矛盾。我係想好努力地去賺錢，好想畀兩個女兒好嘅生活，但同樣地，我返到屋企，攰到自己都難以應付，根本上更少時間去陪伴佢哋。我期望呢個旅程同Charlotte關係更加密切，佢可以喺最無約束、最信賴我嘅情況下做返佢自己。」
胡家惠又指Charlotte 3歲時目擊父母分開，所以Charlotte在小時候，經常叫媽媽去找爸爸：「其實嗰陣我都唔明白，直到真係同佢去公園玩嘅時候，我就覺得好傷心，我真係喊咗出嚟。因為喺公園有好多爸爸陪小朋友玩，佢睇到好多好溫馨嘅畫面，係爸爸陪仔女玩鞦韆、滑梯，佢睇完呢啲場面，覺得好爸爸就係可以喺公園搵到。」
Charlotte則表示：「印象中係佢（媽媽）反鎖咗自己喺房間，然後我一直敲門，但係佢冇應我，我就寫信畀佢，每天都會寫一封信。我就坐喺門前，然後同佢講嘢，但是佢都冇答我。其實我冇要求佢出嚟，我就同佢講，叫『媽咪唔好傷心，我喺呢度』。嗰陣時候我已經好驚，我冇諗過跳樓呢啲事，我只係怕冇咗佢。」胡家惠指大女其實很懂得關心別人，有時候她出房門的時女兒會叫：「媽媽你出來了」、「我們一起吃東西」、「我做了甚麼」、「我們一起看電影」等，她會想盡辦法哄媽媽：「如果冇咗兩個女兒，我可能已經死咗，雖然我係媽媽，但其實佢哋陪住我過渡咗好多『人生高低』，我好感恩有呢個女，比起所有擁有嘅事業、乜嘢都好，我覺得最自豪就係有Charlotte呢個女。」
防止自殺求助熱線：
香港撒瑪利亞防止自殺會： 2389 2222
生命熱線： 2382 0000
社會福利署： 2343 2255
撒瑪利亞會熱線(多種語言)： 2896 0000
醫管局精神健康專線： 2466 7350
明愛向晴軒： 18288
東華三院芷若園： 18281
「情緒通」熱線： 18111
賽馬會青少年情緒健康網上支援平台「Open噏」：http://www.openup.hk
本文作轉載及備份之用 來源 source: http://hk.on.cc
|
鍾意就快D Share啦！
|
|
|