劉青雲今日（30）為邱禮濤執導電影《復仇的人》開工，談到近日有多位影視界翹楚、前輩先後離世，包括施南生、謝賢（四哥）以及前無綫監製梁材遠，他亦有發表感 ...
劉青雲今日（30）為邱禮濤執導電影《復仇的人》開工，談到近日有多位影視界翹楚、前輩先後離世，包括施南生、謝賢（四哥）以及前無綫監製梁材遠，他亦有發表感受，坦言：「今年好多呢啲事發生。」雖然哀痛，但也要學習接受離別。劉青雲1984年拍攝TVB劇《新紮師兄》嶄露頭角，此劇正是由梁材遠所監製，他先嘆氣一聲，說：「材叔都係好多年前，因為《新紮師兄》係好多當時嘅年青演員嘅一個成名作，包括我，我當然好感謝佢選擇咗我去演一個角色『Fit佬』，到而家都仲有人嗌緊我呢個名，唉……唔開心梗會有，都係咁，人要學識接受咁樣嘅離別。」
《復仇的人》舉行開鏡拜神儀式。（葉志明攝）
![]()
![]()
![]()
![]()
至於四哥同樣是80年代在電視台時期合作，他說：「當然係覺得唔開心，但係人就係會有呢啲過程，佢真係一個好瀟灑嘅男人，唔係講笑，呢個係真，但係我同佢合作係好多年前嘅TVB嘅時候。」他大讚四哥瀟灑、有風度，表示：「我覺得佢係好有風度嘅男人，好值得後生仔學習，我就唔使喇。」
![]()
而施南生曾為青雲主演的《竊聽風雲2》、《三城記》等監製，他透露二人上次見面已是多年前，並謂：「Nansun（施南生）我都認識，係一個我覺得非常之出色嘅女性，無論佢係工作或者個人嘅處事，同埋我覺得佢係胸襟好闊嘅人、好多朋友，可以接納到唔同嘅人，我對於佢離世都覺得唔開心。都係嗰樣嘢，人始終有咁嘅過程。」
![]()
![]()
