零壓力發展大計：最開心做人唔使有目標
對於轉投新公司的發展大計，蔡蕙琪貫徹其隨遇而安的率性作風，坦言現階段完全沒有壓力。她直言：「我已經係Louise Wong Workshop嘅藝人，多謝王丹妮小姐。發展大計？就係冇，最開心就係做人唔使有目標，隨遇而安。」她透露老闆王丹妮同樣是這種性格，從不會強迫她接下特定類型的騷或工作，一切都會順從她的個人意願。她直言如果某年想專注拍電影便多接電影工作，想休息時公司也絕對配合，給予她極大的自由度。
大讚老闆照顧周到 氣質似足阿媽
提到從舊拍檔搖身一變成老闆的王丹妮，蔡蕙琪大爆雙方的搞笑互動。面對這位新老闆，她坦言心情相當矛盾又窩心：「係，我點都會叫佢老細。但唔知點解好想叫佢媽咪，因為佢照顧人個氣質，好似一個媽咪，但又好事業形女性，又好靚又係model，所以我對住佢好複雜。」
跳出全職舞台劇 轉做Freelance主宰休息時間
談及近況，曾是全職舞台劇演員的蔡蕙琪坦言，以前習慣了一個劇接一個劇的工作模式，如今決定跳出來轉做Freelance，最大原因就是想親自掌握休息的節奏。她透露：「暑假七八月有兩個舞台劇演出，九月舒服返啲，俾自己時間休息。想跳出嚟做freelance就係想控制到我嘅休息時間，所以九月會舒服啲。」她表示9月的長假是自己刻意製造出來的，而一向體恤下屬的王丹妮及公司同事得知她累了很久，亦紛紛開聲叫她快點去休息，讓她深感轉投新公司絕對是正確的決定。
本文作轉載及備份之用 來源 source: http://www.hk01.com
|
鍾意就快D Share啦！
|
|
|