約舒亞舒克斯表現出色。(Getty Images)
去片睇約舒亞舒克斯入靚波
周六(25日)凌晨，曼聯出戰第2場季前熱身賽，作客以5比0大勝挪超球隊洛辛堡，打開勝利之門，近年長坐冷板嘅前鋒約舒亞舒克斯大踢爭氣波，個人表演擺脫對方3位守將挾擊，扭過門將射入空門，猶如「美斯上身」。經此一役之後，呢位25歲荷蘭國腳有望獲得領隊卡域克留用。
曼聯日前首場熱身賽大熱倒灶0比1不敵英冠球隊域斯咸，今仗不敢再怠慢，上半場31分鐘由19歲中場新星拿斯入波打開紀錄。換邊後冇耐，約舒亞舒克斯由中場策動攻勢，作出斜傳之後，再接應隊友回傳，使出阿根廷球王美斯招牌動作，突然變速，大步伐扣過3位洛辛堡球員，再扭過門將，射入空門成2比0。其後紅魔鬼由積及迪韋尼、哈利阿馬斯、伊凡威廉斯各建一功，贈對手5蛋。
由於馬菲奧斯根夏為巴西踢完世盃後，需要放假休息，另1位前鋒班捷文施斯高剛傷愈，未適合上陣，所以約舒亞舒克斯近2場熱身賽都擔任正選，今仗更加射入靚波，相信可以喺主帥卡域克心目中加分。
約舒亞舒克斯2年前由博洛尼亞加盟曼聯後，表現一直未合乎預期，上季長居後備，各項賽事26次上陣僅入2球，因而多次傳出會方計劃今夏出售佢，季前熱身賽成為舒克斯拯救事業最後機會。
曼聯未來熱身賽對手實力更加強，包括下場8月1日晚熱身賽對西甲勁旅馬德里體育，跟住鬥歐聯冠軍巴黎聖日耳門，然後對列斯聯、AC米蘭，屆時先至係約舒亞舒克斯真正考驗。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|