女團COLLAR成員蘇雅琳（Ivy So）推出個人新歌，並第二度挑戰填詞，透露創作過程屢遭退稿，令她自信心崩潰，一度爆喊。新歌以暗戀為題材，她自爆童年因被叫「豬扒」而飽受傷害，錯失跟暗戀對象譜戀曲的機會。
Ivy So最近推出第二首個人單曲《原地拖手》，今次是她第二次填詞，直言難度遠超首作：「上次首歌由自己把關，今次監製舒文幫我執得好仔細，來回Ban咗好多次，而且唔係改一句，而係要我整段重新寫過，過程好煎熬。」她坦言因頻頻被退稿大受打擊，在修改第10次時終忍不住偷偷落淚。除了為自己寫歌，她又曾向公司自薦為COLLAR的團歌填詞，有意向填詞人方面發展，但自知還有很大進步空間，希望有機會跟鍾雪瑩及陳詠謙等前輩合力創作，從中偷師。
新歌以暗戀為主題，Ivy坦言由小學至中學有不少暗戀經驗，可惜最終未能開花結果：「中一時收到一個我暗戀嘅小學同學表白，但當年受到情傷，所以冇接受，因為畢業表演時有個男同學話我係『豬扒』，我畀呢個字打擊咗好耐，我話唔要同男仔玩。」她表示頗享受暗戀的氛圍，不過入行後再沒有暗戀對象：「因為通常係工作結識，相處時間好短，我係日久生情派，好難突然暗戀人，而且唔可以對合作對象太有幻想，否則會怕怕醜醜影響工作。」
Winka搵隊長拍MV
談到新歌MV邀得蔡俊彥擔任男主角，Ivy指對方非常靦覥，拍攝當日全程不敢跟她搭話，還要經理人催他上前打招呼，並刻意讓兩人獨處溝通。問到對方是否她喜歡的類型？她大讚拍檔有魅力：「我鍾意搞笑嘅人，佢平時喺社交網同訪問幾搞笑同幽默，而且怕醜嘅男仔幾可愛。」坦言期待將來能再次合作。
另外，隊友Winka近日推出個人歌曲《好好照顧自己》，MV出動愛貓外，還請來隊長Gao幕後操刀拍攝MV及剪片。Winka指曾在訪問中及私下多次提出由Gao為她拍MV，今次終於夢想成真，下一個心願是邀請另一位隊友Marf為其作品擔任形象指導。
化妝:Janice, Ivy@powerclub_hk
髮型:Yan Lee
服裝:Zara & Jaded London
本文作轉載及備份之用 來源 source: http://hk.on.cc
|
鍾意就快D Share啦！
|
|
|