生圖曝光零濾鏡依然女神
最近有網民分享，煒哥正於中環蘭桂坊拍攝新劇，繼續向視后目標進發。當晚煒哥一身幹練的職場女性造型盡顯優雅氣質，即使在網民的無濾鏡鏡頭下，煒哥的身材依然窈窕、皮膚緊緻緊光滑，輪廓線條分明，完全看不出已年過半百。不少網民表示：「話佢30多歲我都信，保養好得太誇張了」、「真係由細睇到大，佢完全冇變過，歲月冇喺佢身上留下痕跡」、「狀態頂峰，不愧係實力派美魔女！」
陳煒強忍亡父悲傷照開工極專業
陳煒今年入行已是第30個年頭，她在1996年參選《亞洲小姐競選》奪冠，翌年參與「七．一」大型回歸騷正式出道，之後一步一努力成為亞視花旦。2012年陳煒加入TVB，曾參演《法證先鋒IV》、《刑偵日記》等重頭劇。而煒哥對工作的態度絕對是專業，2022年90歲父親突然離世，甚至要押後婚期，但她仍強忍悲痛振作繼續開工拍《回歸》，完全沒有影響劇組進度。
陳煒曾對愛情心灰意冷
陳煒曾因首段婚姻淡出幕前4年，2012年轉投TVB復出，十三年來由配角走上一線花旦再創事業高峰。原來當現任丈夫陳醫生出現前數年，她一直心灰意冷，「講真，識我老公時已經47，嗰時好灰，感覺47可能真係無人要啦，感情無任何諗法，所有時間畀晒工作，用工作麻醉自己，唔好有時間諗嘢。」及至拍《法證先鋒IV》因黃智賢介紹下認識同樣經歷過婚姻失敗的陳國強，陳醫生的細心，令陳煒由衷感動，「嗰時只係啱傾未拍拖，曾經有一日開工經痛，係痛到頭暈休克成身標冷汗好辛苦。當捱完朝早外景返屋企休息，我打電話問陳醫生應該食啲乜嘢藥。結果到中午，佢走咗嚟我屋企送藥，同埋送咗碗粥，覺得佢真係關心我喎，先至慢慢開始。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|