只顧視像傾偈 蚊香當玩具險毀女嬰小手
馮太於今年三月聘請該名印傭，馮太透露女兒的手受傷當日，她與丈夫忙於處理家務及文書工作，交由印傭短暫照顧。怎料丈夫突然發現女兒指住隻手狂喊，馮太憶述當時慘況：「當時見到隻手呢係冇咗一忽皮，整個虎口位連拇指都係紅晒腫晒！」
馮太隨即翻查閉路電視，揭發印傭當時竟顧住用電話與人視像通話，任由BB在近距離拿著點燃的蚊香把玩。印傭聽到BB叫了一聲後，才衝前抱起BB，更用口啜BB受傷的手，然後極速交給男僱主。事後印傭更死口不認，堅稱：「俾先生嘅時候冇嘢㗎！」中介公司介入後稱只是「無心之失」，馮太一度心軟決定再作觀察，結果卻引來更大傷害。
心理折磨當樂趣 逼獨處致仆倒更指住笑
最近兩星期，馮太發現一向開朗的女兒突然變得極度恐懼及黐身：「我哋一入洗手間佢就好驚，不停拍門，離開個房間稍微遠一啲，佢都會好緊張。」馮太於是翻查7月中她生日外出食飯3小時的CCTV，驚見印傭竟然惡意嚇BB：「佢不停無辜指向一個方向，仲要發出一啲聲音啊嘩咁樣！」
當BB嚇到哭腔大喊想出房門時，印傭竟強行將BB塞入床中並拉上蚊帳，企圖強迫她獨處。當BB掙扎拉開蚊網時，印傭竟加速離開房間，導致BB「嘭」一聲直墮地上。最令馮太心寒的是，印傭的是零反應，馮太痛斥：「跟住女傭都係冇理佢，冇即時安撫仲指住喺度笑以此為樂，佢好似將我BB當做玩具咁樣以此為樂！」
當面對質死撐卸責 港媽怒斬情絲即炒走人
看到女兒飽受身心折磨，馮太直言心痛得整晚失眠，更為自己生日外出而感到內疚。她決定不再啞忍，拿着CCTV片段與印傭當面對質。面對熄燈嚇BB、強行拉蚊帳等鐵證，印傭竟用各種荒謬理由推搪，先稱「我諗住去廁所」，又狡辯「我諗住BB瞓覺」。但馮太質疑當時僅為晚上9時，BB平日是11時才睡覺。
對於見死不救兼恥笑BB，印傭推卸責任說：「我冇照顧BB，你哋冇叫我呀嘛！我唔知自己做啲乜。」馮太聽後心死，即場讓印傭簽署解僱信，勒令她立即離開，終止合作關係。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
