籌辦玩具展 鍾情實體玩具手感
馮志豐最近忙於籌辦玩具展覽，他在訪問中直言從小就熱愛玩具，由早期的簡單電子遊戲機到現在的Switch都有涉獵，但他始終偏愛實體玩具。他說：「玩具對我嚟講，如果當你有壓力或唔開心時，你仿佛好似可以藉住嗰件玩具忘記晒所有嘢，有句說話係你玩玩具可以返去8歲，你8歲時先係無憂無慮。」
佳視倒閉差點「失業」 過檔TVB劇接劇
談到當年入行經過，馮志豐憶述最初是報考佳藝電視（佳視）的兒童演員，更過關斬將成功入行。沒想到五歲開工參演兒童節目《301部隊》，幾個月後佳視就宣佈結業，令他差點面臨「失業」。幸好後來他成功輾轉過檔TVB，隨即劇接劇，展開了大家熟知的童星生涯。
貪玩生意外重創下體 阿媽睇見「又紅又腫」
童星生活雖然多姿多采，但原來亦暗藏危險。馮志豐在節目中重提約7歲時與飾演他爸爸的劉松仁合作拍攝《京華春夢》的經歷，當時因為貪玩而發生了一單嚴重意外。
他憶述當時拍攝經驗不多，見到廠內的大型佈景覺得新奇，便在放飯時間四處亂跑，結果不慎跌倒撞傷下體。他直述當時的痛苦經歷：「嗰陣我趁食飯時間走上去（佈景），點知一腳踏空，『卟』一聲，嘩，好痛！但又唔敢講，因為如果失足跌落去就係六呎，但啱啱自己（雙手）頂住，所以冇事，但唔敢話俾大人聽撞正最痛嗰個地方（下體）。」之後繼續拍戲，完成後回家跟媽媽坦白說「好痛」，他續說：「我媽除褲一睇就話：『嘩！點會咁樣？又紅又腫！』」幸好經過幾個月的休養後，最終並無大礙，但已將媽咪嚇得半死。
獲前輩李香琴疼錫 溫柔叮囑：最緊要讀書
在TVB拍劇期間，年紀細細的馮志豐極有觀眾緣，獲不少前輩疼錫。他在節目中特別提到已故資深演員李香琴（琴姐）。他形容琴姐是一位非常有份量，而且對小朋友極之溫柔的長輩。他憶述當年有次帶書本入廠溫書，琴姐見狀便語重心長地勸勉他，他直述琴姐當時的溫馨教誨：「風仔，最緊要讀書啊！呢樣先係跟你嘅嘢，原來長輩係咁關心你。琴姐之後去泰國，又送過一個四面佛嘅章俾我，真係一個好有心嘅人。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
