游嘉欣消瘦不少 冇刻意減肥
游嘉欣明顯消瘦了不少，她指自己冇刻意減肥，純粹是兩年前仍包包面、Baby Fat，更大爆：「最脹嘅時候反而係我最刻苦，又唔食飯又做運動又着膠褸焗汗。」談到美墨之旅，游嘉欣表示之前一直開工，直至前陣子終於有接近一星期假期，她才即刻遞假紙去旅行，決定用盡假期飛遠一點。
指難控制包養傳聞：努力賺完錢，做咩唔可以開心去玩？
對於忽然富貴傳聞，她指：「大家可能覺得去海外好有錢，我由以前畢業嘅時候就已經好鍾意去一啲比較遠嘅地方，唔係平時去開嘅日本嗰啲。西藏呢啲地方我都好鍾意，無論美國、非洲我都希望嚟緊有機會Explore吓，使錢呢樣嘢我諗香港都冇乜地方使錢，旅行都係為開心啲，應使則使，使完又努力工作。」至於被指包養，游嘉欣坦言見到評論：「佢哋點講我都控制唔到，但我做返自己覺得啱嘅嘢，努力賺完錢，做咩唔可以開心去玩？我唔會care呢啲睇法，最緊要自己開心，下下都要睇住人哋點樣睇你嘅話，就冇自己人生。」
豪遊被指與草根背景不符 親自反擊：查我家宅定係知我銀行戶口？
入場睇世界盃門票價格不低，也不是有錢就入到場，有網民更指與游嘉欣的草根「屋邨妹」背景不符，她直言：「我唔知大家點翻查我背景啦，佢哋查我家宅定係知我銀行戶口？我都唔係好理解，其實我都多謝我當地嘅朋友，因為佢哋受人邀請，多咗個位，又知我有假，就一齊去，我都有請佢哋食返餐飯，一齊玩吓。我睇到都覺得幾搞笑，我就唔可以去旅行？我就唔可以生活得豐富啲？我平時喺香港生活都比較單調，好少share咁多嘢，旅行post多咗嘢大家就覺得點解突然之間咁豐富。」問到下次會否分享窮遊生活，游嘉欣則表示：「窮遊嘅時候我唔話俾大家聽啫，我會精挑細選，揀啲靚嘅餐廳，中等價位，可以接受到，去旅行唔會淨係想去啲好街邊嘅嘢，想咩都體驗吓。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|