挑戰昆蟲餐，嚇到面容扭曲
張慧儀戴上眼鏡仔細翻開餐廳的隱藏菜單，當看到菜單上的蜈蚣王、飛蛾、蜘蛛時，她嚇得眉頭深鎖，直呼：「蜘蛛毛毰毰，點食得落呀？」當年憑1998年TVB經典劇集《西遊記（貳）》蜘蛛精一角深入民心的她，更忍不住搞笑感嘆：「我以前都演過蜘蛛精，咁咪即係食自己？」
看完菜單後，她才正式挑戰隱藏菜單中的「蟲蟲驚喜」拼盤。面對桌上各式各樣的「極品」，如蜂蛹、蠶蛹、蜻蜓蛹、大麥蟲及金龜子等，場面讓她直呼緊張。
發揮急才請鄰桌成功清盤
經過一輪心理建設，她終於緊閉雙眼，夾起大麥蟲硬吞。品嚐過後，她發現口感不如想像中可怕：「呢啲蟲炸過之後，其實冇咩好難食嘅味道，真係冇嘅。但炸咗香口咗，其實冇咩味。」隨後上菜的「桂花蟬蒸雞」更衝擊視覺，她評價：「（桂花蟬）有一種唔知咩味嚟㗎，一定要親自食一口先知。」不過食到最後她依然難以招架，為了不浪費食物，她發揮急才把剩下的昆蟲熱情端給鄰桌食客分享，成功消滅殘局。
張慧儀心血傾注患病養子
張慧儀多年來母兼父職，專心照顧患有先天性心臟病的22歲養子張晃維（Hanson），更曾為兒子的百萬醫藥費四處奔波。幸好Hanson近年經過大手術後康復進度理想，早前更陪同媽媽出席廣州的公益活動，只見他氣色紅潤、笑容燦爛。隨著兒子長大成人並正在修讀神學課程，張慧儀終於能放下心頭大石，苦盡甘來。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
