阿歷斯巴迪(右)仲有2年合約在身。(Getty Images)
英超豪門曼聯繼續增兵工作，根據「轉會權威」記者羅曼諾(Fabrizio Romano)爆料，紅魔鬼已經接觸巴塞隆拿左後衞阿歷斯巴迪嘅經理人團隊，力邀呢位22歲西班牙國腳加盟，接替水準日漸走下坡兼經常受傷嘅勞基梳爾，堵塞防線最大漏洞。
曼聯今夏積極物色左閘，曾經計劃收購利維斯賀爾、利維斯史基利，但都被所屬球會紐卡素、阿仙奴拒絕，兵工廠主帥阿迪達最近表明，利維斯史基利100%留隊。因此，曼聯惟有另覓人選，現時向阿歷斯巴迪埋手。
呢位新星屬於巴塞隆拿青訓產品，近4季獲得唔少發揮機會，上季有42次披甲，貢獻3次助攻，但當中只有21次擔任正選，據悉佢對於現時處境感到不滿，加上巴塞剛剛同祖奧簡斯路簽3年合約，左閘正選位置競爭愈來愈激烈，曼聯趁機提出簽阿歷斯巴迪，有機會吸引到佢成「魔」。
阿歷斯巴迪仲有2年合約在身，估計身價達5,000萬歐元(約4.6億港元)，佢回應獲曼聯垂青一事，就話目前只專注為巴塞隆拿備戰新球季，並冇留意轉會消息，其他事情順其自然，似乎並冇排除離隊可能性。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
