無綫長壽處境劇《愛．回家之開心速遞》日前迎來大結局，劇中演員滕麗名（阿滕）與林淑敏傳不和，兩人昨日在大結局活動中全程沒有任何交流及眼神接觸，阿滕更一度黑面，令不和傳聞升級。
今日（9日）有網民發現有自稱幕後人員力撐阿滕，在滕麗名的帖文下回覆網民時爆料，並將截圖分享到社交平台，文中留言指「某人」人前扮好人，沒有演員道德：「成日人前人後扮好人，一啲演員道德都冇，九年嚟成日遲到又走去買咖啡，劇本唔睇又改對白，又成日NG呃鏡頭Close Up，淨係識拎廣告商贈品擦編劇鞋。」同時網民形容另一位「黑口黑面但人哋超專業，盡可能喺現場化解你嘅問題，佢忍到你咁耐算係咁啦。」更呼籲其他幕後人員出來「講句公道說話」，隨即引起網民熱烈討論。
由於爆料者提供的線索明顯，隨即引起雙方忠粉為偶像辯護，有支持者認為林淑敏若果態度惡劣，一早就已被飛出劇組，好似蘇韻姿、張景淳因遲到而得罪無綫高層曾勵珍，結果一個離巢一個被雪，林淑敏始終未曾消失過。而阿滕支持者就指「輸在份人太真，唔夠假」，有人再借已離巢「細龍生」鄭世豪暗示「龍家」有人「假到黐線」引證傳言。
其實滕麗名過去受訪時承認因為黑面而得罪人，曾有前輩點醒她：「成日嬲咗成村人咁，個樣好衰呀！」直到有次看過助手拍她的休息片段，才明白她「無表情」的樣子，原來可以真是好惡好乞人憎，所以令她有反思，知道有時真的需要表情管理。
本文作轉載及備份之用 來源 source: http://hk.on.cc
|
鍾意就快D Share啦！
|
|
|