《愛回家》大結局最終金城安和Bonnie最終未能復合，竟觸動「安Bon」粉絲神經，有人湧去「蔥頭」丘梓謙的社交網大鬧，至昨晚丘梓謙在社交網限時動態發文「你們睇戲睇到好投入，真係好多謝你哋，你哋好嬲要鬧我人身攻擊我，我都接受，但唔好亂咁問候我屋企人。」「蔥頭」丘梓謙接受訪問表示：「有人鬧我搶走Bonnie，當中夾雜粗口，仲鬧埋屋企人，網民太入戲睇得太真實，自己敏感啲，唔太舒服，所以網上打篇嘢，希望大家可以鬧我角色，但屋企人唔關事，我可以承受好及不好嘅聲音，不想涉及屋企人。」他說作為演員都是跟劇本去做好每場戲，導演監制需要就會做好，直言「侮辱我唔緊要，不要影嚮屋企人，屋企人係我底線。」明白金城安和Bonnie是不少觀眾的回憶，所以好多觀眾都想他們再一起，結局有出入而感到不滿。自言入行多年，一直抱着新人的心態去做，任何角色都不會拒絕去演，他說在《刑偵12》他便飾演一個衰人，覺得不可能每個角色都完美，「有人問我最想拍乜？我會答乜都想做，好似姜皓文《翠絲》反串女裝都想試，就算蔥頭最尾大家唔鍾意，至少呢5年無白費，多謝珍姐，愛回家劇組畀呢個角色我，令我多咗人識，公司台前幕後到依家都叫我蔥頭，有角色令人記得係一件開心事。」認同劉青雲曾經講過無論掌聲噓聲都好，總好過無聲，覺得多人討論是好事，自言會繼續努力。
本文作轉載及備份之用 來源 source: http://hk.on.cc
|
鍾意就快D Share啦！
|
|
|