江門撐蕭正楠爆懷孕揣測 火速澄清認發福
上月25日，黃翠如赴江門力撐老公蕭正楠（Edwin）的《三生有幸演唱會》。她上台打氣時被捕捉到側身肚凸凸，惹來網民熱論：「係咪二胎？個肚咁大嘅！」翠如隨即在社交平台「自首」，解釋純粹衣服冇攝好，坦承的確肥了並承諾節制。
經過這一個月，翠如終於拍片展示Keep Fit成果，自信穿上露腰裝的她在片中表示：「喺我努力嘅成果底下，係咪都有啲（馬甲）線。」語畢隨即用外套遮着腰肢，笑言自己害羞。
拒絕節食靠跑步爆汗
隨後黃翠如換上粉紅色短款恤衫，強調Keep Fit是女人任何時候、包括生BB後都要面對的事：「比起上一次Edwin嘅演唱會已經過咗一個月，呢一個月嘅時間我有好努力咁去管理我嘅體重。」她自爆期間未有減食量，純靠一直跑步令自己出汗。
她於8月1日在小紅書拍片進行「官宣直播」，宣布定於28日（周五）進行直播，向粉絲公開介紹個人私房好物。為此，翠如近期接連上載不同類型的內容，包括旅行開箱、晚間護膚心得，以及分享身材管理的愛用好物，為即將到來的直播進行預熱。
本文作轉載及備份之用 來源 source: http://www.hk01.com
|
鍾意就快D Share啦！
|
|
|