朱智賢早前晒凸腩照惹大肚疑雲，但她靠着由內到外的養生法，已回復最Fit身段。她受訪時更表示已準備雪卵，為將來覓到至愛想生小朋友時留一條後路。
藝人朱智賢向來擁有一副好身材，不時在社交網派福利，日前她再晒靚相震撼網民眼球，相中她挑戰冷艷性感風，身穿西裝外套，內搭黑色絲質Bra Top及短褲，大騷纖腰與長腿，凹凸有致的身材曲線盡收眼底。而她展現完美體態的同時，不忘留言傳遞正能量：「一直面向陽光，你就不會看見陰影。」
朱智賢接受東網訪問時，笑言體形經常「彈出彈入」，不時被身邊人問為何肚腩時大時細，更曾因「凸腩照」惹來大肚疑雲！她坦言早前疏於管理身材，但近期已重拾運動習慣，所以成功收身，笑言「終於見得人」。除了靠做運動重拾苗條身形，她又大幅改變生活習慣，盡量保持健康人生。事緣她早前接受身體檢查時，發現不少健康指標不理想，甚至缺乏多種維他命，現時透過針灸及中藥調理，同時堅持早睡早起兼戒消夜，由內到外養生，成功回復最佳狀態。
此外，今年6月踏入「4」字頭的她，坦言計劃雪卵：「聽講針灸對子宮有好處，所以Keep住針，不過有次痛到我喊咗成個鐘，痛到以後都唔想再去。」問為何突然有雪卵打算，她說：「我年紀都唔細，又未有對象，搵得嚟又唔會即刻生，拍兩年拖都40幾歲啲人話40歲後就會斷崖式衰老，過多兩年都唔知有冇卵子，所以要爭取時間。」她表示從小到大都沒想過要生小朋友，但年紀愈大突然改變念頭：「我唔係超級喜歡小朋友，但我知如果生咗出嚟，我係會錫到癲嗰啲！現階段想要一個小朋友，雪咗先，可以再決定生唔生，如果將來嘅另一半好鍾意小朋友，咁我都有得用。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
