今日（5/9）莊思敏在喪母後首度公開露面，出席時裝展活動。雖然她努力整理情緒，但當接受訪問談及亡母時，依然難掩傷痛，數度哽咽落淚。同時，她亦大方回應了網民的種種質疑。
整理舊照情緒起伏 慶幸全家人陪母走過最後一程
莊思敏表示情緒已稍為平復，並開始重投工作：「好番啲啦，都叫平復咗啦，咁都要投入返工作。其實呢段時間情緒可能起伏會比較大啲，有時處理媽咪啲舊照片嘅時候，都有好多唔同嘅回憶浮返出嚟。」
莊思敏透露，母親生前已患病一段時間，因此家人早有心理準備。她最感欣慰的是母親臨終前並無承受太多痛苦，而且所有至親均隨侍在側：「喺我哋屋企人嚟講，其實大家都知道大慨會發生，所以唔算嚟得十分突然。我最緊要係佢冇痛苦，當時好彩、好感恩所有嘅屋企人都在身邊。我都未夢見過媽咪，我都好想可以夢見佢。」
否認「早拍晚播」博流量 坦言阻止不到他人想法
對於在社交平台分享喪禮片段而遭到網民圍剿，質疑她「博流量」及「早拍晚播」，莊思敏坦言自己並沒有為此感到不高興或介懷，並澄清該賬號只是個人紀錄生活的地方：「我又冇特別介懷嘅，因為一個用嚟分享我自己生活、想記錄我自己生活嘅帳號，當然公開帳號其他人會睇到，其他人有其他嘅諗法我係阻止唔到。我冇諗過個迴響係咁大，對於我嚟講，我只係想記錄住當刻嘅環境，因為現場好多親友都好有心送咗好多花過嚟，現場個佈置都係我相信我媽咪好鍾意嘅，所以只係想好好記錄一下。」
針對網民「早拍晚播」及質疑有專業團隊拍攝的指控，莊思敏親自解釋了馬來西亞與香港喪禮習俗的分別：「其實唔係早拍晚播啦，亦都唔係來自任何嘅專業團隊，只係自己用手機好隨意咁拍下一些片段。喺馬來西亞個設靈方式同香港會有啲唔同，我哋個設靈時間會比較長，會擺兩日，第三日先舉辦出殯，所以時間上唔同。」
遵從母親遺願 兄弟姊妹承諾互相照顧
莊思敏最後提到，母親生前最希望看到子女們能夠好好生活。目前喪禮大部份儀式已圓滿完成，家人亦特別挑選了母親生前最愛的花卉及優雅風格來佈置場地：「媽咪都係希望我哋可以好好生活，好好照顧自己。我覺得最緊要係我哋咁多個兄弟姊妹會繼續互相照顧。場地佈置我哋都加咗好多媽咪生前鍾意嘅花，儘量以比較高雅為主，都係媽咪比較鍾意嘅環境。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
