港姐王菲「Said Yes」，宣布與唱片公司太子爺兼歌手張子丰訂婚，張子丰在坐小船在湖中向王菲單膝下跪，非常浪漫。
張子丰接受東網獨家訪問時，大談求婚過程，原來相當神秘和充滿驚喜，他說：「多謝晒！等到依家先公布。其實我哋有個Channel，會去唔同嘅餐應拍攝，嗰日一早同同事呃佢話拍一間餐廳，而呢間餐廳好靚，去到以為拍美食節目，就呃佢上船介紹呢間餐，個湖真係好靚！」
他續說：「拍拍吓，我就行開咗，由着得好頹換番件西裝，就搭第二隻船出現，成個拍攝都係假，跟住我就上佢隻船求婚，嗰日叫晒屋企人嚟，攞住『Marry Me-』氣球，佢（王菲）見我同家人出晒嚟，就知道我求婚！」
張子丰表示今次求婚準備了一段時間，要做到逼真非常困難，他說：「要做到平時拍攝咁呃到佢，真係好難，又驚嗰日落雨，因為嗰個禮拜成日落雨、又打風......點知嗰日好天，真係超好彩，爭啲搞到Delay！」
對於婚禮，他表示諗在計劃中，他說：「其實我哋好Hea，慢慢傾邊度擺好，搞咩類型婚禮好，未係好急，要慢慢享受過程！」問是否奉子成婚雙喜臨門？他說：「唔係我哋之前已有默契同共識Ready結婚，所以冇咩特別原因，係想去行人生另一個階段，我哋拍《法言人》之後就一齊，都4年喇！」
現年38歲的張子丰，是唱片公司太子爺，雖然有家底有背景，但他出道多年不靠父蔭靠自己，選擇由低做起，過往更曾做過PA（製作助理）。而且他形象健康又有才華，畢業後於加拿大皇后大學，主修電影並副修心理學系，其後曾到美國洛杉磯的紐約電影學院進修演藝技巧，本身擁有8級鋼琴造詣，擅長彈結他。此外亦有參與微電影和MV拍攝，曾為姚焯菲、鄭俊弘、吳業坤、尹光等執導MV；同時張子丰也有參與劇集演出，包括《逆天奇案2》。感情方面，他曾與陳瀅及蔡思貝傳過緋聞，但統統否認。
而30歲的王菲，當選後順理成章簽約無綫，在同屆3甲中最早彈出獲得拍劇機會，先後曾參演《刑偵日記》、《星空下的仁醫》、《白色强人II》及《香港人在北京》等多套無綫重頭劇，更曾於亞洲心動娛樂出品的劇集《逐流時代》中以性感比堅尼示人，令人眼前一亮。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
