大佬B吳志雄進行紋身大改造 紋身師爆古天樂每年送勞力士名錶
片中所見，大佬B赤裸上身躺在紋身椅上，而紋身師就在其手臂上補色及重新設計圖案，期間大佬B高歌《戰無不勝》，更愈唱愈激動，情緒高漲！有眼利的網民發現大佬B手上戴着勞力士（Rolex）名錶，其後紋身師就大爆是古天樂所送：「古天樂每年都會送一塊給大哥，大哥也做了很多慈善。」
傳古天樂代還千萬負債 大佬B親自闢謠：無人幫我還過錢
雖然未知紋身師所講是真是假，但其實大佬B與古天樂相交多年，甚至有傳大佬B當年破產欠債，由古天樂承擔起債務之餘更不用他償還，但大佬B曾在接受《香港01》訪問時就澄清：「無人幫我還過錢，係我自己還嘅，唔係我親口講，我希望各位唔好拎嚟做是非，傳呢個幫我還幾百萬，嗰個同你還咗千幾萬？我喺度講，係冇呀，有就唔使做我睇得太多呢啲傳聞喇，但冇一個人夠膽出嚟喺我面前講，我唔希望誤導觀眾。」
大佬B大讚古天樂 親揭二人交情：感情就似親生兄弟
不過大佬B與古天樂私交甚篤，他曾大讚：「見到佢我其實好安慰，早幾年話想返嚟拍電影，佢即刻話『得你同林家棟傾啦』，叫公司簽我！不過我喺內地的確賺錢多咗，以香港條件未必滿足到我，所以自己都唔好意思。不過佢想我返嚟幫手隨時嗌我就得，唔收錢都返嚟。好似上年（2011年）4月叫我返嚟拍廣告，本身話唔拍㗎，但聽到係古天樂嘅又要焗住返嚟，返嚟返去都要隔離14日，夠晒義氣」問到為何古天樂如此值得他長途跋涉都要幫手？他坦言：「呢樣係情義結嚟，唔係抵唔抵幫，係私人問題，大家感情就似親生兄弟，好似同你講『屋企有事返嚟啦』，就係咁簡單。我又冇刷佢鞋嘅，又冇話做咩開咁戲唔預我？內地政府都知我以前身份，我好多電影都唔准播，大家明。」可見二人多年來患難與共的真摯兄弟情！
本文作轉載及備份之用 來源 source: http://www.hk01.com
|
鍾意就快D Share啦！
|
|
|