視后蔡思貝入行13年，歷盡高山低谷，終憑電影《功夫女足》打入內地市場，事業重現曙光！過去的黑暗時刻讓思貝更懂珍惜，日前她到尼泊爾作慈善探訪，出錢出力幫助貧困家庭。提到《功》片導演周星馳，她感恩遇到這位「嚴師」，沒有被對方嚇怕之餘，更「愈捽愈愛」！為了助《功》片宣傳，她曾經「獨撐」一日連踩8場謝票，可惜因主帥周星馳「失蹤」，場面冷清。
蔡思貝於2013年參選港姐奪得亞軍後入行，隨後獲公司無綫力捧，至2020年憑劇集《踩過界II》登上視后之位。不過，她在事業路上是非不斷，更曾被指介入王浩信及陳自瑤的婚姻，令她陷入事業低潮，甚至整整一年冇劇拍。直至今年3月，她宣布離巢效力13年的無綫，還透露自己喊住寫感謝文，回顧過去，百感交集！
思貝現時主攻影壇，近期憑周星馳執導電影《功夫女足》中盲人按摩師「孖八」一角，成功走出事業困局，獲內地觀眾接受，截至昨日該片內地票房收逾23.43億元人民幣（約27.4億港元），在港則錄得1,485萬港元，成績不俗。思貝早前接受東網專訪，問到可有「守得雲開見月明」的感覺？她笑言沒有那麼誇張，自言只是《功》片一分子，又表示很高興「孖八」受歡迎，期待未來再為觀眾帶來喜歡的角色：「要繼續為呢樣嘢奮鬥，因為要繼續養家，哈哈！」
身體力行送溫暖
嘗盡人生百味的思貝更加珍惜當下，並希望向他人伸出援手。早前，她首次到尼泊爾進行慈善探訪，她說：「未去到親身體驗感受都會爭好遠，今次親身感受完，希望以公眾人物身份呼籲更多人去幫忙。」在探訪的家庭中，讓她感受最深刻的，是住在極簡陋房屋的一家四口：「間屋好似得個窿咁，冇廚房、廁所，連水都冇，同埋佢哋冇身份證，小朋友冇得返學，長大咗都搵唔到工！因為申請身份證要收費，個爸爸連搭車去嘅錢都冇，冇身份證出去打工嘅工資都低好多。」最後她出資為該家庭申請身份證，望能改善他們的生活，現時還成為該家庭的捐助者。
思貝坦言今次探訪令她反思何謂知足，學懂看輕得失，問她是否曾「鑽牛角尖」走不出來？她表示：「入行後曾經有一段時間覺得好唔開心，Feel到自己嘅無能為力，改變唔到件事，無力感好難受。」雖然她不願透露是哪一段日子，但不難理解是當年受緋聞所累帶來的事業重創。
提到《功》片，思貝直言角色的成功全賴「嚴師」周星馳的指導：「星爺收貨、嗌Cut機、Good Take，話你做到嗰種神韻，嗰個認可就係最大滿足！（佢要求好高？）高！但個高係準確度，點解佢係一個神級演員？就係因為佢啲嘢好準確、表情細緻、節奏同講嘢大細聲，每樣都拿捏得好準確。（嚇親你？）冇，我係一個好鍾意畀導演捽嘅演員，唔想得過且過算數，你嗌Good Take我就好放心收工。」
思貝自《功》片上映後一直瞓身做宣傳，儼如女主角般落力，在香港最高紀錄一日踩足8場謝票，可惜核心人物周星馳沒有亮相，售票不理想，現場明顯十分冷清。思貝與影迷交談期間，一名男觀眾誤將其名字講成「蔡少欣」，身旁的《功》片編劇即搞笑地作勢掩着她的耳朵，但思貝不但沒有介意，還與對方說笑，甚有大將之風！
本文作轉載及備份之用 來源 source: http://hk.on.cc
|
鍾意就快D Share啦！
|
|
|