亞視熄燈已久，唯亞視出身的藝人有愛依舊﹗除不時相約飯敍聯繫外，近日陳煒、江美儀、袁潔儀及袁文傑等，更拉隊到澳門一日遊，除了探望在當地從事飲食業的林祖輝外，更順道為剛牛一的蔡國威帶來一次「生日之旅」，畫面溫馨窩心，身在娛圈能擁有最純真的友情，絕對令人羨慕。
事後眾人分別於社交平台開心share，只見他們飯敍前先往各地標打咭，且不停大擺逗趣搞笑甫士，期間袁文傑與林祖輝更效法身後石像頭貼頭合照，實在令人忍俊不禁。而壽星仔蔡國威獲眾人送上「1公升三文魚蛋榚」賀壽，盡興而歸的他感動表示﹕「呢個陣容唔係一齊開工，要喺香港約食飯都已經難，但係今次大家夾到期成事之餘，仲要係去澳門呀﹗由中午玩到夜晚，超開心超難忘，晚餐喺祖輝主理嘅餐廳享用，食物質素高，非常美味，大家睇相就明，邊食邊傾，話題不盡，大家都笑到標眼水。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|