馬貫東2006年入行，近年終當上男一，年初播出的《臥底嬌娃》是第二部，近日播出3年前拍下的《死有對証》，才是他第一部擔正男主角的作品，今年連播兩部主打劇，人氣驟升。今年正正是馬貫東出道20周年，一份工做20年殊不簡單，馬貫東表示從來不會當演戲是打工，因為演戲是自己熱愛的事，若當打工團火很快便熄滅。不過演員一向被動，沒有劇開的日子，他都會冇事忙，坦言：「冇嘢做我會內耗，就搵嘢學或搵嘢做，一係賺知識，一係賺薪酬。」演戲之外，馬貫東可謂長期有「兼職」，做過的工作包括健身教練、賣湯包、餐廳侍應、水族店員工及飲食包裝等，堪稱「炒散王」，直言做侍應時薪幾高，不介意職位低，心想將來可能要演任何角色，深信一切生活體驗的工作對演戲都有幫助。
近年他就發掘了寵物美容的興趣，與兩位拍檔合作開店做老闆，一年多開了兩間店，主力做貓狗美容，冇劇開時便做寵物美容師，同時他又修讀有關狗隻基因遺傳課程，自我增值。近年棄養寵物問題嚴重，他亦幫助了70隻流浪貓覓得新主人，目標今年幫助100隻貓咪。本來養了4隻貓，半年前再領養1隻流浪貓「波兒」，笑言是被牠的嗲功融化。問到將來另一半是否都一定要鍾意動物時，單身的他即開出擇偶條件：「二揀一我一定揀動物先，所以佢一定要鍾意動物，可以愛貓狗多過鍾意我，哈哈！」若遇上「寵物情緣」會隨時閃婚。
此外，早前資深藝人李家鼎前妻施明離世，爆出李家鼎與馬貫東母親一段鮮為人知的舊情，馬貫東表示自己十多歲時便知道媽媽與李家鼎是情人關係，自己對長輩私事予以尊重，對於李家鼎的感覺：「佢係好前輩，教我呢行要立足，少說話多做事，不怕蝕底，這三句好受用。」他坦言入行後沒有特別掩飾二人的關係，圈中很多人都知道，他與李泳豪和李泳漢見面也有傾偈，但對於捲入爭產一事，他澄清母親與李家鼎已分手多年，其母親亦移居外地，沒有任何婚約及資產關係：「估唔到我呢個小市民可以參與爭產事件，當娛樂新聞一則，法律上完全冇關係，冇興趣爭產，搵唔搵到都唔會爭人哋嘢。（媽媽知道唔開心？）初時有少少，佢係擔心我會畀人講，我叫佢唔使擔心，我係圈內人預咗。」
《死有對証》播出後，馬貫東不敢自評表現，希望留給觀眾評價，覺得仍有進步空間，今次是他首次同陳曉華合作，觀眾對這對CP很接受，大讚對方反應快。對於劇中的動作戲碼全部親身上陣，他笑言沒有用替身，是因為武指預計他能應付，而他亦樂於拍攝動作戲。
髮型：Billy Cheong、Heidy Lui
場地：my.ude.salon de beaute
本文作轉載及備份之用 來源 source: http://hk.on.cc
|
鍾意就快D Share啦！
|
|
|