內地影帝黃渤近日禍不單行，佢尋日（3日）於社群媒體上發布視頻，自爆喺屋企門口踩單車轉彎時因分心不慎摔倒，送醫後確診為鎖骨骨折。片中見佢瞓喺病床上，戴晒氧氣罩，床頭診斷卡標註「跌倒（墜床）高危」，需要禁食靜養，連夾菜都成難事。佢留言：「謝謝大家伙兒的安慰和祝福 這回算是用自己的鎖骨換了個提醒，騎車千萬不能一心二用，三心二意，要一心一意呀…這可不能怨到騎行上 等我好了，爬出坑兒了，還要接著全騎，認真認真地、小地、愉地、快樂、安安」
黃渤發布摔傷住院視頻，配文：「真入坑了，騎車真不能三心二意，哪怕就在家門口啊。」影片中黃渤躺在病床上自嘲「單車車一拐彎就拐到這來了，跟戲裏面拍得是真一模一樣」佢仲喺走廊唱「多麼痛的領悟～」畫面爆笑，呢份樂觀與通透，被網友稱讚心態好，又留言叫佢「好好養傷」。
網友發現，今次並非佢近期第一次因騎車受傷。早於8月22日，黃渤就曾因騎行導致手臂骨折，當時佢仲戴晒護具、撐住拐杖現身那英北京演唱會，被那英調侃為「傷病員朋友」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|