長居佛山拍片大讚內地生活
蔡淇俊與太太在佛山擁有一個135方（約1400呎）的單位，全屋設計開揚，空間感十足。 面對香港高昂的樓價，他坦言：「香港啲樓咁貴我一世都買唔起㗎啦」，但在內地有了自己的小家覺得非常開心，更表示不少親戚已搬到內地退休養老，大讚內地生活舒服。
與太太因裝修屢生分歧
豪宅空間感十足，客廳更放置了太太挑選的伸縮梳化。兩人曾為裝修鬧出不少分歧，極怕灰塵的他雖按自己心水裝了封窗落地玻璃，但面對太太堅持「衣服要見太陽」，最終亦尊重對方放入晾衣架。他笑指這是雙贏方案：「咁所以最好解決方法就係，我想要嘅有，佢想要嘅都有」。此外，平時少用的客房旁，亦設有比他香港住所闊落得多的客浴。
配備專屬玩具房、超大衣帽間
屋內更特設玩具房，擺滿復古遊戲機及扭蛋機。他極度自豪地拿出陳年獎座大曬威水史：「2008兒歌金曲頒獎典禮 TVB十大兒歌金曲 蔡淇俊《拯救星球》！阿媽我得獎喇！」。此外，大宅更豪氣闢出一整個獨立房間作為兩公婆的專屬衣帽間。主人房則設有愛犬專用樓梯上床，還有他的專屬平板及手掣打機小天地。他特別介紹主人房連廁的浴缸，直指：「喺香港冇可能有嘅，但係喺呢度細就好過冇」，雖當初太太反對安裝，如今卻用得最多。
本文作轉載及備份之用 來源 source: http://www.hk01.com
|
鍾意就快D Share啦！
|
|
|