早前容祖兒接受金成《叔叔的愛》訪問，曾劇透演唱會內容：「觀眾都係第一次咁嘅距離睇容祖兒，其實大家都係摸索緊呀。」她坦言緊張多於興奮，5月於「家族show」試水溫後，也感覺到紅館與啟德完全不一樣，表示當作考牌：「以前觀眾喺紅館係好近嘅，基本上你面部表情都睇到，如果坐第一行咁樣。今次似乎真係有啲遠，但如果大家要睇你嗰啲細微細眼嘅details、表情、動作，佢會透過一個好大嘅屏幕，嗰個屏幕係真係大到你做乜都會睇到嘅，我會講係你個鼻哥窿都係要有awareness㗎！」
祖兒透露目前正密鑼緊鼓綵排和做心理建設，預告：「其實每一次我都希望有新嘅表演方式俾大家睇，點樣喺一個咁大嘅地方裡面，可以感覺到呢個歌手嘅嘢真心？係我好想透過呢個演出同大家講。」何丙（演唱會音樂總監）跟祖兒時，這個演唱會應當作大型《Secret live》（side track演唱會）去做，但歌曲會是較熟悉的：「一個乜嘢機關都冇嘅show，反而係成為觀眾最深刻、最有印象、同觀眾距離最近嘅，令我反思好多啟發好多。（金成：喺啟德但又要同人好近？）呢個就係我自己俾自己嘅一個challenge喇！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|