久休復出獨挑大樑任司儀 靠運動重塑心態大讚郭可穎瘦身有成
被問到平日如何紓緩工作壓力，Amy坦言以往主要靠運動和跳舞減壓：「我其實平時都係靠唱歌，以前我就好鍾意跳舞減壓嘅，咁依家就懶咗，懶跳舞咁樣啦。不過其實我都想重新練返跳舞，因為做運動係一個好好嘅減壓方法，我自己鍾意跳舞，所以都希望可以重新練返呢樣嘢。」 許多藝人在面對職業生涯驟變時，透過重拾運動、舞蹈以及遠離複雜社交網絡，能有效重建心理韌性。若公眾或演藝從業者在日常面對類似職場壓力時，及早尋求專業醫學協助並建立家庭支援系統，是走出情緒陰霾的關鍵之道。
昔日拍檔郭可穎積極健身 譚嘉荃笑言受刺激欲重拾舞步
Amy透露對方近來積極健身，成果顯著：「我以前個Partner呢，佢依家好努力咁做運動呀，成果好顯著，瘦咗好多呀！睇到佢咁，我都覺得自己應該要跳返啲舞、做返啲運動咁樣。」
歌迷期盼B2合體開演唱會？ 譚嘉荃坦言隊友家庭心重難成事
至於不少歌迷期盼B2能夠再次合體開演唱會，Amy則坦言要視乎Sandy的時間與家庭狀況：「其實呢個真係要睇佢，因為佢本身係一個家庭心好重嘅人。之前我自己單打獨鬥或者想搞啲節目，搵佢幫手呢，我都要氹佢好耐！算啦，一次半次OK啦，因為佢真係要等佢個女兒再大少少，希望氹到佢啦。」
Amy更爆料指，Sandy當年加入演藝圈其實一直遭到家人反對：「之前因為佢爸爸係好唔希望佢再做呢行。試過有一次，我哋啱啱冇做組合解散咗，仲接咗啲內地Show係用組合名義去唱，佢爸爸係直接講到話：『你個Show錢幾多，我畀返幾多你！』 佢爸爸好唔贊成佢做公眾人物。佢自己後來又結婚生咗小朋友，更加係一個家庭心好重好重嘅人，我哋連食飯都係約下午，因為佢夜晚要返去陪囡囡。所以如果真係要搞一個完整嘅B2 Show，係有啲難度嘅。」
千禧女團成軍3年驟然解散 首揭公司人事惡鬥陷情緒病深淵
回顧B2當年僅成軍三年便迅速解散，Amy直言當年除了隊友家人反對外，最主要的原因是公司內部的人事問題，更令她一度患上情緒病： 「其實當時有好多原因嘅，一來係好多人事上面嘅問題，好唔開心，（係咪陪出席飯局？）又唔係呢啲嘢，而純粹係公司嘅人事上面嘅唔開心，但而家過去咗。二來佢屋企好明顯係爸爸反對，希望佢去外國讀書。當時佢同公司講話：『我唔做啦，我要去讀書。』咁我當時就覺得，好啦，咁不如我都唔做啦。」
Amy透露，唱片公司當時曾提出讓她單飛發展，但她最終選擇退出一線：「唱片公司當時其實對我好好，佢同我講我可以單飛嘅，但我自己當時都覺得，算啦，既然B2冇咗，咁不如我都唔做啦。所以我當時都離開咗娛樂圈成十幾年，後來先再返返嚟。」
工作壓力爆棚曾後台崩潰痛哭 拒絕單飛黯然告別娛樂圈十餘年
談到當時的人事打擊，Amy坦承情況相當嚴重，情緒大受影響：「當時係唔開心到情緒出咗事，都幾嚴重，有睇醫生同食藥。（有冇想過自殺？）都冇諗過嘅。但當時係情緒上面好大問題，有時我哋出Show，我會唔開心到喺後台喊。Sandy佢又好唔開心見到我咁樣，因為我哋兩個感情好。變相我哋大家都會覺得，不如算啦，暫時放下先啦。」
經過多年的沉澱與轉行，Amy如今重新出發，心態亦變得更加成熟：「可能因為當時仲好初期啦，所以我一停咗落嚟之後，就轉咗行。所以其實我再重返娛樂圈嘅時候，我都好擔心嘅。不過可能人大咗，處理壓力方面就做得好咗，依家都OK」
根據衛生署衛生防護中心及香港心聆精神健康資源（Mind HK）等專業心理健康機構資料指出，當面對重大生活壓力或人際挫折時，出現持續情緒低落、焦慮或生理不適，屬於常見的情緒反應。若情緒影響日常功能，及早尋求精神科醫生或臨床心理學家的專業評估與介入，配合藥物或心理治療，能有效改善病情。
若你或身邊親友正受情緒困擾，可聯絡以下本地權威支援機構：
香港撒瑪利亞防止自殺會 24 小時熱線：2389 2222
醫院管理局 24 小時精神健康專線：2466 7350
Mind HK 香港心聆精神健康資源：mind.org.hk
本文作轉載及備份之用 來源 source: http://www.hk01.com
|
鍾意就快D Share啦！
|
|
|