「師奶殺手」吳啟華與前妻石洋子育有掌上明珠吳熙兒（豬豬），愛女擁神顏獲封「最美星二代」，早前阿女孭30萬手袋被指愛炫富，原來爸爸都一樣生活多姿多采，日前有網友就偶遇吳啟華現身中港城碼頭，身旁更有一位年輕女子隨行，即爆出有疑似新歡疑雲。
網民表示於中港城碼頭等船準備返中山時，偶遇吳啟華，初時佢以為自己認錯，但發現係佢本人後，網民拍下當時情景，見吳啟華戴口罩，同眾多市民一齊坐公共長椅等船，邊等邊低頭專注地玩電話。
網民笑稱吳啟華有時尚觸覺，因為佢身上嗰條印有黑色旋風圖案嘅潮流長褲襯白色厚底運動鞋，造型年輕又難carry，已年屆62歲嘅佢身型Keep得好，狀態極佳，難怪引路人眼望望，而吳啟華身旁就多咗一位長髮女子。照片中該女子着牛仔褲加白色運動鞋，同吳啟華並排而坐，唔少網民紛紛留言猜測其身份：「旁邊是不是他女朋友？」、「看着很年輕，女朋友嗎？」然而，有網民已為吳啟華澄清，猜測該女子可能只係佢助理，因為現場人士見到女子拎住電腦袋、推住行李箱，拎晒工作用物品，因此推斷佢只是工作人員，而非新歡。
本文作轉載及備份之用 來源 source: http://hk.on.cc
|
鍾意就快D Share啦！
|
|
|