利辛度馬天尼斯(左)同阿歷斯巴迪(右)可能互換球隊。(Getty Images)
曼聯中堅利辛度馬天尼斯自從球隊10月中旬歐聯不敵馬體會，公開批評總監韋確斯增兵不力之後，同會方關係跌落冰點，根據西班牙《每日體育報》最新爆料，呢位28歲阿根廷國腳打算提早明年1月冬季轉會市場重開後離隊，西甲勁旅巴塞隆拿已準備好簽佢，加上曼聯睇中巴塞左後衞阿歷斯巴迪，兩間球會有可能進行「換人交易」。
利辛度馬天尼斯將於明夏約滿，雖然紅魔鬼有權同佢續約1年，但由於呢位中堅得罪管理層，加上經常受傷，會方憂慮佢續約後又受傷長抖，令球會蒙受更加損失，寧願提早明年1月出售佢，利辛度亦樂意離開「是非之地」。
《每日體育報》指巴塞隆拿早已睇中利辛度，尤其係球隊早前2場大戰分別不敵巴黎聖日耳門、皇馬，暴露防線實力不濟弱點，有迫切性簽入中堅，首選利辛度馬天尼斯。由於佢只剩下半年合約，估計2,000萬歐元(約1.75億港元)有交易，啱晒財力欠佳嘅巴塞隆拿。
與此同時，曼聯一直計劃簽入左後衞，盛傳巴塞左閘阿歷斯巴迪屬於目標之一，呢位23歲西班牙新星今季淪為後備，僅上陣3次，巴塞唔介意放走佢，甚至可以作為簽利辛度馬天尼斯嘅籌碼，有助促成交易。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|