「香港網球一哥」黃澤林（Coleman）剛親證與舊愛陳康堤分手，轉頭就同「長腿女神」譚旻萱（Mandy）球場上親密互動，惟Mandy同現年37歲身兼餐廳老闆及排球教練嘅區顯揚（Austin）拍拖，區顯揚更發文疑暗示被Mandy派帽，句句有骨。對於黃澤林同Mandy是否雙雙「無縫接軌」質疑傳滿天，網友迅即柯南上身搜遍4人社交網，發現Mandy曾讚好康堤於10月15日分享於巴黎度過22歲生日貼文。約10日後，佢就被拍到現身廣州同黃澤林食早餐及觀看比賽，二人表現親暱令戀情曝光。據網民翻查，Mandy更早一次讚好康堤嘅貼文，係今年1月3日對方榮獲叱咤女新人金獎靚相。
睇番時間線，康堤曾於9月13日讚好Mandy宣布搬新居發文，此後康堤再無畀Like Mandy。康堤與黃澤林9月初仍合體與JFFT成員食壽司，惟9月中後二人被發現互相取消關注，當時已傳出分手消息。
而黃澤林同Mandy尋日（27日）幾乎同時出post分享日常：男方已飛到首爾作賽，專心打波；女方貼出朋友生日照，二人都未有回應是否拍拖。網友再睇發現Mandy上星期上載嘅照片中，疑由一位男士揸機影相，當時Mandy身在新居內，並寫上：「I am a breakfast person」之後有多張早餐相，其中一張影住兩條腸仔，仲寫上「一支唔夠食兩支」，心情靚爆。
P6]
本文作轉載及備份之用 來源 source: http://hk.on.cc
|
鍾意就快D Share啦！
|
|
|