
無綫電視(TVB)年度盛事《萬千星輝賀台慶》今晚盛大舉行,紅地氈星光熠熠,眾星悉心打扮搶鏡。當中《女神配對計劃》的葉蒨文以高貴白色晚裝現身,胸前中門大開設計,將其豐滿上圍呈現出來,澎湃效果震撼眼球。在旁的李芷晴亦有過之而無不及,谷到盡上陣,豐乳活現人前,網民睇到嘩嘩聲。另一邊廂,藝人戴祖儀穿高衩裙露出長腿,相當吸睛。在旁的郭柏妍恤了一個靚髮,散發成熟味。而游嘉欣則露出香肩和纖腰,十分醒神。
《女神配對計劃》第一季的關嘉敏與李芷晴以性感拋胸上陣,關嘉敏坦言取得該晚裝前已準備減肥,一日只食一餐,實行飲水飽,但自嘲:「我係無情飲水飽!」至於芷晴這幾天只吃雞蛋、雞胸及菜,又指表演的舞衣更犀利:「郁一郁贅肉都會唧出嚟。」談到《女神配對計劃2》的女神俞可程被指跟無綫導演拍拖,問到兩人上季似乎較少是非,她們自言兩人較「摺」,又謂俞可程的緋聞令節目討論度更高。
同場《女神2》的求愛勇者吳兆麟同樣以低胸示人騷胸肌,他稱自己一直有操肌及控制飲食,對於另一求愛勇者Oswald被爆跟練樂儀同返住所疑拍拖,吳兆麟力撐對方單身:「我哋私下都有接觸,我幾肯定佢係單身,一早知佢約咗成班朋友上佢屋企睇《女神2》,佢係好有紳士風度嘅人,幫女方拖行李箱都好合理。」至於俞可程跟導演的緋聞,他直言不認識該導演,又指:「張相咁矇,我都睇唔清楚嗰個係俞可程,唔敢確定,而且同佢唔係咁熟,唔知係咪真。(話公司唔想俞可程搶台慶風頭,叫佢今日唔好出席?)真係唔知,呢啲係高層決定,又可能係佢唔舒服唔嚟呢!」
3位女星戴祖儀、郭柏妍及游嘉欣齊齊悉心打扮亮相今晚台慶盛會。談到氣溫突然下降,游嘉欣坦言覺得有點凍,戴祖儀則補充:「我哋會用熱情抵抗寒冷嘅。」她不禁大讚游嘉欣健身日子有功,修身成績有目共睹,而自己近排則因趕拍劇睡眠不足,所以成功減磅,但打趣「點都仲有事業線嘅」。至於抽中台慶大奬,三人異口同聲表示期待,戴祖儀更揚言總之抽中便可,即使細奬亦不介意,未當車主的游嘉欣則睇中汽車奬品,郭柏妍雀躍表示:「真係好想試吓衝出去攞奬嘅感覺。」
本文作轉載及備份之用 來源 source: http://hk.on.cc
|
鍾意就快D Share啦!
|
|
|



