

親揭雙方感情狀況 莊子璇:今日睇新聞先知
莊子璇受訪時坦言,自己出發前已留意到有關與導演的報道。被問到對俞可程疑似「搭上人夫」的看法時,莊子璇語帶保留,直言不清楚兩人是否正在交往,但就大爆男方並非外界所指的已婚狀態:「嗱,我就唔清楚嘅,即係佢有冇搭上我真係唔清楚嘅。咁但係呢,以我所知呢,就係雙方應該都係單身嘅狀態嚟嘅。」
至於在《魔音女團》排練期間,有否察覺該名導演對俞可程特別關顧,莊子璇表示完全沒有留意,更是今日看到新聞才得悉此事。她笑言自己平日專注於個人生活,較少留意身邊八卦:「我完全唔知呀,我係今日見到新聞我先知。我諗我相對活喺自己世界裡面多啲囉,因為我淨係顧住我身邊我同我啲朋友嘅相處囉。」
對於圈中是非頻傳,莊子璇更感同身受地自嘲經常成為「空降新聞」的主角:「我有時成日打開新聞呢,經常都好詫異嘅。我無啦啦坐喺度呢,你都要寫我㗎嘛。我都係人在家中坐,突然間新聞空降咗落嚟。」
否認《魔音女團》「爭C位」 強調企位全由導師安排
除了緋聞之外,外界亦盛傳《魔音女團》成員在練舞期間曾出現「爭C位」的情況。莊子璇對此一口否認,強調團隊內並不存在任何惡性競爭,所有企位與分工均由導師決定:「爭C位?嗱,我哋呢個C位呢,唔係爭嘅,係導師揀出嚟嘅,咁所以冇存在爭唔爭一件事囉。」
她進一步解釋,導師在分組時已分配好各自崗位,包括負責Rap、跳舞擔當及C位等,大家各司其職。被追問C位是否必須由舞技最出眾的成員擔任時,莊子璇則笑言:「我諗導師有佢嘅諗法啦,即係有自己諗法。」
本文作轉載及備份之用 來源 source: http://www.hk01.com
|
鍾意就快D Share啦!
|
|
|


