掃呢頁CODE去手機

2026年11月20日 星期五

台慶2026:台慶︱「綠葉王」驚見進佔觀眾席第一排 地位急升 #台慶

無綫年度盛事《萬千星輝賀台慶》尋晚(19日)假將軍澳電視城舉行,旗下逾200位藝人傾巢而出,台下藝員於觀眾席嘅座位編排向來被指係衡量「一哥一姐」受力捧 ...






無綫年度盛事《萬千星輝賀台慶》尋晚(19日)假將軍澳電視城舉行,旗下逾200位藝人傾巢而出,台下藝員於觀眾席嘅座位編排向來被指係衡量「一哥一姐」受力捧程度,今年觀眾發現有驚喜,除舞台前方小生、花旦主座席,觀眾席竟見到於台慶劇《璀璨之城》用AI變臉、一人分飾關鍵角色而獲關注嘅戴耀明,罕有進佔第一排!


有「綠葉王」稱號嘅戴耀明於直播畫面中,座位被安排得相當突出,身穿黑色服裝嘅佢難得坐喺觀眾席正前方第一排位置,並同其他身穿華麗晚裝嘅女藝人及戴晒后冠嘅應屆香港小姐並排而坐,齊齊手持螢光棒觀賞節目。喜得美座嘅戴耀明,都忍唔住發文表達興奮之情,識做大讚節目好睇,威到連阿媽都大讚:「我阿媽都話喺電視機見到我坐頭排好開心舉起隻手😁😁十分感謝公司嘅安排 給我一個愉快的晚上❤️成晚都好興奮好開心 🤩😍一班好同事載歌載舞還有打功夫飛車 好精彩💥」


戴耀明入行多年,一直以演繹綠葉配角為主,今次於台慶咁大型嘅盛事中,能夠獲安排與應屆港姐並肩而坐,更係最當眼嘅第一排位置,畫面相當難得,隨即引起網民討論。唔少網民感驚喜,紛紛睇好佢喺公司地位明顯「大升級」,等睇佢更多好劇見街,更有網友指出「以前同港姐三甲坐埋一齊嘅係邵逸夫!」。



本文作轉載及備份之用 來源 source: http://hk.on.cc
鍾意就快D Share啦!