

獲「愛的力量」加持 李旻芳衝刺爆發
對於今次賽事,何沛珈笑言:「好多山埃tips呀!我哋今日第三次跑啦,頭嗰兩次第一都係Toby(陳庭欣),最尾都係Maggie(梁敏巧)。」 李旻芳隨即甜笑補充,指自己跑得快全靠場外有老公黃耀英「愛的力量」加持:「我衝刺嘅時候佢係話『Go go go』咁樣,我聽到佢嗌㗎,衝刺嗰時真係多咗少少力量。」
放狗特訓唔怕腳粗 踢爆貓仔深藏不露
被問到有何備戰秘訣,李旻芳表平時靠「放狗」當作訓練:「我一放工就去放狗嘅時候,就會一路帶隻狗放狗一路跑,跑到我仲似隻狗多過隻狗!」李旻芳笑指自己平時行山多,自嘲跑到「腳粗」,但何沛珈就力撐短距離需要爆發力和肌肉力量,所以李旻芳笑言「腳粗都唔係壞事」。她們又提到女仔原來很容易騙人,直指「貓仔」黎寬怡極度深藏不露:「幾次練以為佢包尾,原來佢一直留力!」
何沛珈跑到面青腳軟 獲大讚極具毅力
李旻芳亦特別點名大讚何沛珈非常有毅力,原來何沛珈當日不舒服,死頂頂硬上!何沛珈說:「我去到後面,我又頭暈又腳軟。跟住本身其實feel到Maggie係後我好多嘅,跑跑下無啦啦Maggie就喺我隔籬過喎,之後就追唔到。」李旻芳心痛表示:「佢練跑嗰陣時,佢都真係差唔多暈咁滯啊。即係未正式喎,見到佢真係面青口唇白嘅跑完,所以佢呢幾日係真係頂硬上。」何沛珈指日前試跑完大家都十分擔心,紛紛給她糖、能量飲品和水補充體力。
拒絕下屆再參賽 笑指改搞「男神幕後盃」
談到來年再跑時,二人都傻眼,之後表示:「下年搞男神盃啊!或者幕後盃啊!大家都好想睇幕後同事,啱啱嗰批幕後同事可以叫返出嚟啦,負責追住我哋影嗰啲Cam man呢,影佢哋啊。」
本文作轉載及備份之用 來源 source: http://www.hk01.com
|
鍾意就快D Share啦!
|
|
|


