掃呢頁CODE去手機

2026年11月20日 星期五

英超Fever:無人機偷拍普捷天奴首操 曼聯新陣曝光現冷門人選 #曼聯

普捷天奴首課操練即被偷拍。曼聯新帥普捷天奴上任後,周四(19日)首次帶隊進行操練,點知出師不利遇上洩密風暴!有無人機喺卡寧頓訓練基地上空,偷拍長達12 ...




普捷天奴首課操練即被偷拍。


曼聯新帥普捷天奴上任後,周四(19日)首次帶隊進行操練,點知出師不利遇上洩密風暴!有無人機喺卡寧頓訓練基地上空,偷拍長達12分鐘並放上網公開,期間普捷天奴同10名疑似正選球員小組討論,小將哈利阿馬斯意外在列,新陣式亦率先曝光!


為備戰周一(23日)凌晨作客利物浦,普捷天奴爭取時間即刻開操,但一個帳號叫CC Overview嘅頻道,竟公開一段長12分05秒嘅無人機影片,偷拍普捷天奴首操嘅情況。無人機操作員喺影片尾段表示:「我拍到呢度,唔想引起任何風波。」




雖然卡寧頓訓練基地早喺2018年,已設告示牌表明禁止無人機飛行,但操作員隨後再解釋:「針對質疑合法性嘅人,呢度屬於無限制空域,任何人都飛得。無人機全程喺視線範圍內,亦冇靠近任何人,根據民航局條例,呢次飛行完全合法。」


影片所見,曼聯球員被分成小組練習,普捷天奴就同10名外場球員一齊,網民猜測好可能係對利物浦嘅正選或者主力人選,包括哈利馬古尼、麥比奧莫、馬菲奧斯根夏、明奈、艾登希雲、約舒亞舒克斯、阿密特迪亞路同安達利山度士等。


最令人意外嘅係,19歲新星哈利阿馬斯都出現喺主力梯隊,擔任左閘嘅佢,日前先為英格蘭U20攻入致勝球,有機會成為曼聯左閘「黑洞」嘅曙光。操練影片見到,普捷天奴喺戰術演練採用3-2-4-1陣式,但軍情被提早外洩,認真慘情。


足球博彩神器,每日重心提供盡在《彩報》:http://win.on.cc/football/ 

本文作轉載及備份之用 來源 source: http://hk.on.cc
鍾意就快D Share啦!