網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月17日 星期二

唐安麒踢爆美容業劈場黑幕無懼尋仇 自豪做清流39年零投訴成功 #唐安麒

「美容教主」唐安麒(Dr.Angel)日前出席慈善活動,安排旗下娛樂公司ACEEntertainment韓國偶像學院的學生及「Babyidol」到場跳 ...




「美容教主」唐安麒(Dr. Angel)日前出席慈善活動,安排旗下娛樂公司ACE Entertainment韓國偶像學院的學生及「Baby idol」到場跳舞助興,而唐安麒接受《01娛樂》訪問,講到早前踢爆美容業界的不良「劈場」手法和黑幕,她直言多年來確實有人叫她封口,不過她無懼尋仇或威脅,會繼續做美容業清流,保持39年零投訴金漆招牌,霸氣表示:「我唔會因為咁樣唔講?我唔會,因為今年我哋公司39年,我創業39年,好多人好相信我,如果講做美容業業界、健康業界,我相信我有一定嘅公信力喺度,所以我覺得我有呢個責任同埋義務,將我知道嘅嘢講俾人哋聽,我無懼,有啲咩嘢我會繼續講!」更教大家去美容院時如何自保。

「有艇搭慈善基金會」10周年感謝禮。(鄧穎琪攝)


80年代末唐安麒成立「香港模特兒製作中心」, 不少藝人出道前曾在該校接受訓練,包括張文慈、梁漢文及已故藝人陳寶蓮等。所以活動中張文慈甫見唐安麒即驚喜萬分,主動上前打招呼問好。(鄧穎琪攝)


YS韓國偶像學院學生在活動上表演,左起:mini4ever成員Harley、Kerry(徐榮女兒包包);YS Rookies成員Mia、Timothy、Ingrid;Lumina成員Venus、Agnes、Charis(鄧穎琪攝)


JJ Baby韓國選秀勝出將兩地出道 預告月底公布震撼消息

唐安麒透露早期培育的「JJ Baby」在韓國選秀節目勝出後,即將在韓港兩地正式出道:「佢已經去咗韓國一段時間,加上佢喺韓國亦都有參加咗一個選秀節目,亦都贏咗,嗰個選秀節目其中一個嘅評判,就係BIGBANG嘅大聲,所以佢將會好快JJ Baby以團隊形式會喺韓國同香港出道。」韓國每年都有大量女團出道,年紀又細,問到如何保持競爭力,Angel指最重要是了解市場變化,現時她亦積極拓展馬來西亞及泰國市場:「月底我哋有一個大型事件會公布,嗰件事都會令到香港嘅朋友幾震撼幾開心。」

唐安麒透露早期培育的「JJ Baby」在韓國選秀節目勝出後,即將在韓港兩地正式出道。(資料圖片)


唐安麒、黃劍文擔任頒獎嘉賓。(鄧穎琪攝)


踢爆美容業「劈場」手法無懼威嚇:我會繼續講

此外,近年美容界連番爆出高壓推銷風波,例如數月前有婦人在沙田護膚品店門外跪地痛哭,控訴遭不良手法高壓推銷逾6萬元產品。向來敢怒敢言的唐安麒,早前拍片揭露同行「劈場」惡行,被問到公開踢爆業界黑幕會否擔心遭人追擊或尋仇?唐安麒直言過去確實曾受威嚇,甚至一度需要聘請保鑣護身,但她強調絕不會因此退縮:「其實會嘅,但係我夠膽講嘢唔係一年半載嘅事,我從創業冇幾耐我就講,會有人追擊我,叫我唔好講嘢呢啲,其實以前已經有出現過,所以有一段時間我係有保鑣喺身邊。但係我唔會因為咁樣唔講?我唔會,因為今年我哋公司39年,我創業39年,好多人好相信我,如果講做美容業業界、健康業界,我相信我有一定嘅公信力喺度,所以我覺得我有呢個責任同埋義務,將我知道嘅嘢講俾人哋聽,我無懼,有啲咩嘢我會繼續講。」

唐安麒「沙膽」踢爆同行套路。(公關提供)


唐安麒:「我創業39年,好多人好相信我,如果講做美容業業界、健康業界,我相信我有一定嘅公信力喺度,所以我覺得我有呢個責任同埋義務,將我知道嘅嘢講俾人哋聽,我無懼,有啲咩嘢我會繼續講。」(鄧穎琪攝)


批不良美容院執完改名重開 唐安麒自豪39年零投訴

她又痛批部分無良美容院慣以「改名換姓」逃避投訴,並自豪旗下集團39年來在消委會保持「零投訴成功」的紀錄:「我唔明白點解呢啲手法仲會繼續!佢哋做法係今日開呢個名,然後有人投訴佢,就閂咗佢,開過另一個名,呢樣嘢反覆做咗好耐。我自己好自豪嘅就係,我哋到今日能夠喺消委會零投訴成功,係唔容易做到,我自己好堅持,同埋我覺得對得住客戶係好重要,我好開心一樣嘢,我對自己身為香港人有一個期望,點解香港唔可以有正統嘅美容中心?我39年做咗畀大家睇,我哋做到呢一個良心事業,保持我嘅公信力……所以我認為,我做得到嘅就係替香港人對於美容業有一股清流。」

唐安麒痛批部分無良美容院慣以「改名換姓」逃避投訴,並自豪旗下集團39年來在消委會保持「零投訴成功」的紀錄。(鄧穎琪攝)


低價美容療程暗藏高壓推銷陷阱 教兩招自保

談到最睇唔過眼的行業亂象,唐安麒直接點名批評俗稱「劈場」陷阱,並提醒年輕消費者切勿獨自前往或攜帶多張信用卡:「通常用好低嘅價位等你上咗去,上到去你除晒衫,佢就會批判話你好肥、你依度唔得……話唔係三百幾蚊搞掂,叫你買幾萬蚊療程,知你有卡喺手就夾硬碌爆卡,甚至有啲喺隔籬開一間財務公司,其實都係同一個集團。講呢啲係好危險,但係我好希望特別係年青人,你哋要醒覺,我唔係叫你相信我,唔係叫你幫襯我,但係如果你真係想要幫襯一間嘅時候,你可以search吓。同埋我成日教人,你同朋友一齊去,千祈唔好一個人去,同埋唔好帶咁多卡去,佢話390幾蚊,你就淨係帶390幾蚊。」她透露不少同業私下亦會向她請教營商之道,她亦不吝分享,深信只要對得住良心,任何人都可建立公信力。

唐安麒教觀眾上美容院靠兩招自保。(鄧穎琪攝)


帶愛女巡視新舖傳授營商心得 7歲已表明有意繼承家業

唐安麒早前曾在社交平台分享帶愛女前往粉嶺新店視察裝修、傳授「揀舖」心得的片段,形容為「歷史時刻」,問到女兒是否已準備好繼承其衣缽,她笑言女兒目前仍在外國讀書,修讀Business與Media相關課程,現階段似乎言之尚早:「佢自己話咗想嘅,但係到時睇吓點先,佢而家喺外國,不過佢每次返嚟,我都會慢慢慢慢俾佢去了解吓事業上嘅嘢。」

唐安麒強調自己從未強逼女兒接班,但憶述愛女小時候的一番童言令她感動至今:「我真係冇逼佢,好多人都問,你得一個女,係咪佢繼承你?我真係冇諗過,但係我個女,細細個有人問佢,『你第時係咪要幫媽咪做嘢、幫佢事業?』佢好細個,可能7、8歲,就講話『我唔做邊個做呀?得我一個女咋喎。』再大啲之後我問佢係咪真係想,佢話『我會幫你,唔想你咁辛苦。』都幾感動。」

唐安麒打扮富貴帶19歲女兒去睇舖!(IG/@dr.angeltong)


俞可程曾接受旗下瘦身療程 外貌被批評獲唐安麒力撐:各花入各眼

此外,《女神配對計劃2》參賽者俞可程(Kanis)早前去唐安麒旗下瘦身中心接受「10日瘦10吋」療程,配合「宇宙飲食法」短短10日全身激減12.2吋、輕了4磅。問Angel有冇睇節目,她笑說:「有呀有呀,好似佢最近好傷心?係咪話Oscar同佢冇繼續?」她讚俞可程為人乖巧:「我想講我幾鍾意呢個女仔,之前佢嚟我哋度做Treatment,做咗之後有啲新聞出咗嚟,新聞出咗之後我話既然出咗,不如你就同我拍啲reels話俾大家聽,咁佢又話肯喎,我都幾開心。」至於有部分網民批評俞可程的外表,唐安麒就認為是各花入各眼,自己都聽過有人讚俞可程有魅力,而且她認為人品較重要。

有部分網民批評俞可程的外表,唐安麒就認為是各花入各眼,自己都聽過有人讚俞可程有魅力,而且她認為人品較重要。(資料圖片)



本文作轉載及備份之用 來源 source: http://www.hk01.com
鍾意就快D Share啦!