

被問到下次會否挑戰100公里的正式賽事,周潤發表示:「千祈唔好咁搞!我而家兩個骱都行到甩晒!」他續指,毅行者與練習馬拉松不同:「我哋半馬最好係2小時24分,而家要成6個鐘,多成幾個鐘,辛苦到不得了。原來行係好辛苦,辛苦到不得了,尤其第九段之後一路落,一嚟就落,落完再上千島湖。」
與發哥同行的樂施大使黃浩然在旁表示:「我哋專登上千島湖打卡。」發哥又提及隊友蔡一智:「不過阿智慘啲,一陣仲要飛美國做show。」黃浩然更指蔡一智排完7個鐘舞仍堅持參加。
蔡一智表示「好好玩」,但發哥則謂「一路行一路拉筋」,但仍然堅持全因為「畀面」黃浩然,「佢係大使,多謝浩然帶我哋走咗鑊咁甘嘅路,6個鐘,未試過。」發哥續指:「麥徑之前分段行過晒,今日比賽就一次過,好甘,甘甘甘,不過完成比賽就好開心。沿路一路行一路吹水食嘢,我哋好多嘢食,糖、朱古力、飯糰。」
翻查資料,周潤發在1991年曾出席毅行者起步禮,但參賽就是第一次。今年適逢50周年新增限定版20公里路線,而經典100公里項目則於周五起步。
本文作轉載及備份之用 來源 source: http://www.hk01.com
|
鍾意就快D Share啦!
|
|
|


