掃呢頁CODE去手機

2026年11月21日 星期六

馮德倫邀劉鑾雄甘比拍《老馮日記》 「整一集同《愛回家》有關」 #劉鑾雄 #愛回家 #愛.回家 #甘比 #馮德倫

馮德倫(Stephen)與劉鑾雄太太甘比,今日(21/11)出席皇室堡《WINDSORXBUCKETMANABUCKETFULOFXMAS》揭幕禮,B ...




馮德倫(Stephen)與劉鑾雄太太甘比,今日(21/11)出席皇室堡《WINDSOR X BUCKET MAN A BUCKETFUL OF XMAS》揭幕禮,BUCKET MAN是近年馮德倫積極發展的本地動畫角色,其背後理念獲甘比認同,故促成今次合作。而甘比原來係《老馮日記》粉絲,無論是廿年前的舊版,還是最新製作的網上版,都集集追。馮德倫聽見便隨即出手,邀請大劉跟甘比一齊粉墨登場,甘比表示畀劉生考慮下,但就留下一句忠告︰「我驚你頂唔住,你叫佢做佢會做埋導演嗰份。」

馮德倫(Stephen)與劉鑾雄太太甘比,今日(21/11)出席《WINDSOR X BUCKET MAN A BUCKETFUL OF XMAS》揭幕禮。(盧振輝 攝)


甘比非常欣賞BUCKET MAN在漫畫世界好有意思,跟旗下商場想帶畀大家溫暖與正能量感覺吻合。(盧振輝 攝)


兩位接受傳媒訪問時,問到今次合作如何促成,甘比笑言自己除了欣賞Stephen的才華,還有他的外表。事實上,她非常欣賞BUCKET MAN在漫畫世界好有意思,跟旗下商場想帶畀大家溫暖與正能量感覺吻合。而今次聯乘產品更有日本經典卡通櫻桃小丸子,對Stephen來說又別具意義。「因為我哋啲產品,都是傾向男性,今次同小丸子合作就希望吸引多啲女性觀眾去認識。」

記者會上,甘比使拿手的勾織技術,勾出一個Bucket帽送畀馮德倫,問到可有機會成為量產精品?Stephen便笑指︰「佢話一個要勾一個鐘,一日都可以勾24個」(盧振輝 攝)


馮德倫即場邀請大劉甘比客串《老馮日記》

眾所周知,大劉是TVB劇集《愛‧回家》的粉絲,集集追,馮德倫便問甘比劉生可有睇埋《老馮日記》,原來甘比正是《老馮》的忠粉,無論廿年前的電視版還是近年的網上版都有收看,Stephen亦打蛇隨棍上︰「可唔可以邀請你拍一集?」甘比爽快答應,Stephen隨即再問︰「可唔可以請佢(大劉)拍一集?」甘比就表示要商量一下,Stephen更承諾︰「我整一集同《愛‧回家》好有關係。」甘比表示會考慮,但亦忠告一句︰「我驚你頂唔住,你叫佢做佢會做埋導演嗰份,佢鍾意睇住鬧,佢喺入面就鬧唔到人。」

劉鑾雄在記招上,曾表示晚晚睇《愛.回家》,又指劇中有女角色整容整到「硬膠面」,但他也明白對方是為了搵食。(資料圖片)


馮德倫為求大劉肯客串《老馮日記》,即場向甘比承諾︰「我整一集同《愛‧回家》好有關係。」甘比表示會考慮。(盧振輝 攝)


太太舒淇金馬先拔頭籌 自己缺席因早安排工作

在訪問期間,身在台灣出席金馬獎的舒淇先拔頭籌,憑《女孩》贏得本屆「國際影評人費比西獎」,對於太太獲獎,馮德倫並未知情,但當然會替她高興,又表示今次沒有隨行赴台,因為手頭上早已安排BUCKET MAN活動,故未能同行。


本文作轉載及備份之用 來源 source: http://www.hk01.com
鍾意就快D Share啦!