網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月18日 星期三

劉德華親證「歌迷藏床底」傳聞 自爆教女功課無從入手大吐苦水 #劉德華

入行45年的天王劉德華近日作客新城電台節目《梨事會》環節劉德華現身拆解都市傳說。(YouTube@新城知訊台)劉德華還原床底驚現男歌迷真相多年來網上一 ...




入行45年的天王劉德華近日作客新城電台節目《梨事會》環節

劉德華現身拆解都市傳說。(YouTube@新城知訊台)


劉德華還原床底驚現男歌迷真相

多年來網上一直流傳,曾有狂熱粉絲潛入劉德華下榻的酒店房間並躲在床底,華仔發現後不但沒有報警驅趕,反而與對方促膝長談。在今次訪問中,「啤梨」葉文輝直接向華仔求證,華仔亦大方承認確有其事,並親口還原當時的驚險經過。華仔憶述:「嗰日我啱啱拍完戲返到去,正喺度做緊按摩。點知幫我按摩個師傅突然同我講,話張床下面好似有嘢郁緊。我聽到之後就爬過去床底望一望,點知真係有個男仔瞓咗喺床下面。」

他笑言當時大家都保持冷靜、客氣地請對方出來,了解後才得知對方是離鄉別井的弱勢打工仔,只因想找工作才出此下策:「不過當時大家都好冷靜、好客氣咁請咗佢出嚟。了解之後先知道,原來佢係離鄉別井出嚟打工嘅人,好想搵份工做。至於外面傳話我同佢傾足一個鐘頭偈,其實就冇咁誇張嘅。不過當時見佢應該好肚餓,我就即刻叫咗碗麵、畀啲嘢佢食飽先,之後再好好咁送佢離開。」,面對私闖房間,華仔非但沒半句責怪,反而體諒對方的無奈:「其實佢並唔係特登要匿喺床底或者有咩惡意,佢只係知道我住喺嗰間房,好想搵機會見到我,希望我可以幫佢搵到份工作啫。」

親證有歌迷潛入酒店床底,劉德華暖心請食麵送客。(YouTube@新城知訊台)


為窮困歌迷改巡演首站唱到流鼻水

除了床底事件,另一宗「都市傳說」亦獲得華仔親口證實。早年曾有內地歌迷在網上留言,感嘆自己家境貧窮買不起機票,只能無奈寫下「希望你下世都叫劉德華」,盼望來世存夠錢再入場支持偶像。華仔看到留言後大受觸動,竟毅然決定將2007年的「Wonderful World 全國巡迴演唱會」首站改到呼和浩特,只為讓該名歌迷能圓夢入場。華仔在節目中重提此事更笑言當地氣候極度嚴寒:「嗰陣時係零下幾度㗎,我哋唱到流晒鼻水㗎!」

為窮困歌迷改巡演首站,零下低溫唱到流鼻水。(YouTube@新城知訊台)


天王變「劉煩惱」 教囡囡做數學大叫投降

褪下舞台上的巨星光環,回到家中的劉德華亦與天下父母一樣,要面對令人頭痕的育兒難題。被問到陪愛女劉向蕙做功課時是否會變成「劉煩惱」,華仔即深有同感地大吐苦水:「『劉煩惱』呢個稱呼係真㗎!我諗全天下所有父母都一定經歷過。平時陪佢做功課,有時無論你點樣解釋、點樣教,佢都好似唔明白咁。最主要係佢哋而家學嘅知識,同我哋以前細個學嘅真係有好大距離,好多嘢連我自己都唔識教晒,所以真係會覺得好煩惱。要數最令我頭痕嘅,一定係教佢做數學!而家小朋友學嘅數學同我哋以前完全唔一樣,就連最基本嘅加減法,佢哋嗰套計算程式同教學項目都唔同晒,搞到我都唔知點樣入手教佢。」

劉德華大吐教囡囡數學苦水。(盧振輝 攝)


雖然在功課上束手無策,但華仔透露囡囡如今已成為他的「御用音樂顧問」,他創作的新歌全數都要先過囡囡一關,讓他從中掌握新一代的口味:「其實我啲新歌佢全部都聽過,基本上係同我一齊經歷成個創作過程。由我最初有個Concept(概念)、慢慢去寫,到每一份歌詞,佢都有份參與同畀意見。我個女真係『好多事』㗎,每一樣嘢佢都要過問、都要畀意見,就連我揀咩音樂類型,佢都會喺旁邊提點下我。睇嚟我個女好快就會有屬於自己嘅音樂作品,到時佢作曲畀我唱都話唔定。」

劉向蕙(影片截圖)







本文作轉載及備份之用 來源 source: http://www.hk01.com
鍾意就快D Share啦!